Chapter 29

Kinlabutan ako pagkatapos niyang sabihin iyon. Bigla naman siyang tumawa kaya mas lalo akong kinabahan. Parang ibang katauhan niya na ang kaharap ko. O baka naman ito talaga ang tunay na siya?

“Just kidding. Hindi naman ako masama para paghubarin ka dito. I won't give my men that kind of satisfaction,” he said.

Napalunok naman ako. Hindi ko alam kung dapat ba akong makahinga nang maluwag sa sinabi niya. Basta kailangan ko nang makalabas dito. Hindi na ako ligtas hangga't kasama ko ang lalaking ‘to.

“Let’s go,” he told the driver.

Agad na umandar ang van kaya nag-panic ako. Sinubukan kong humanap ng daanan palabas pero nasa side ni Uno ang pintuan. Hawak ko ang bag ko at nasa loob nito ang aking phone. Pero hindi naman ako makakatawag ng tulong dahil nasa tabi ko si Uno.

“Saan tayo pupunta? Pauwiin mo na ‘ko, please,” I begged him.

He smirked. “We'll do a photoshoot. Just one photoshoot and I’ll let you go.”

“P-Pero hindi pa ako pumipirma sa kontrata. Hindi mo pa ako model,” sabi ko.