Kabanata 66

( Amari's POV )

Walang naging problema ang pagpapanggap ko sa loob ng ilang araw. Wala ni isa sa pamamahay na ito ang nakahalata dahil sobrang maingat ang bawat kilos ko sa paggaya kay Amina.

At kahit sa maikling panahon lang na nakasama ko si Zander sa araw-araw ay mas lalo ko siyang hinangaan at minahal dahil talagang napakabuti niya. Yung kabutihan na nakakahawa.

"Kapag nalaman kaya niyang hindi talaga ako si Amina, ganito pa rin kaya siya kabait? Pakikitunguhan niya pa rin kaya ako ng maayos at ituturing na parang prinsesa?" Di mapigilang tanong ng isip ko habang nakatutok ang mga mata sa kanya.

Kasalukuyan kaming nasa biyahe ngayon para e-check ang reception area kung saan gaganapin ang kasal namin bukas.

Sadyang napakabilis ng panahon at mga pangyayari dahil ang pinakahinihintay kong araw ay magaganap na nga bukas!

"Baka matunaw ako sa kakatitig mo niyan." Nakangiting turan ni Zander na para bang alam na alam niyang kanina ko pa siya tinititigan.

Bahagya naman akong napangiti at