Kabanata 69 (Part Two)

"Kung totoong mahal mo siya hindi mo dapat siya sinaktan at pinagmalupitan ng ganoon!"

Kuyom ang kamaong bulalas ni Zander habang ako naman ngayon ang natahimik dahil sa di maipaliwanag na kabog ng damdamin dahil sa narinig.

"Aaminin kong nagkamali ako. Masyado akong nabulag sa galit ko kaya ako bumabawi kay Amina ngayon. Kaso umeeksena ka! Pinagsisihan kong itinuring kitang kaibigan! Traydor!" Nanlilisik ang mga mata ni Drake sa galit.

Nagpalipat- lipat ang tingin ko sa dalawang lalaki habang walang humpay sa pagwawala ang puso ko.

"Tama na!!! Utang na loob tigilan niyo na 'to!!!" Wala sa sariling napasigaw na lang ako upang pigilan ang dalawa.

Bumaling ako sa hinayup*k kaya nagkasukatan kami ng titig. Ngayo'y mababakas ang mas namumutawing sakit niya keysa sa galit habang nakatitig ang mga mata sa akin.

"Pakiusap! Ibaba mo yang baril mo. Wag mong sasaktan si Zander. Mananatili ako rito basta wag mo lang siyang saktan." Nagsusumamo ang aking tinig habang patuloy pa rin sa pag- agos a