Kabanata 73

Kita ko rin ang pagkagulat sa mga mata niya nang makita ako. Alam kong namumukhaan niya ako at kilalang- kilala.

"You---"

Biglang bulalas niya na hindi natapos dahil nagring bigla ang cellphone niya. Sinagot niya ito ngunit nanatili ang mga mata niya sa akin.

Mababakas din ang magkahalong gulat at hiya sa mukha ng receptionist na mukhang nagdadalawang isip kong e-aaproach ba ako o hindi.

Sumibol ang matinding kaba sa akin habang nakikipaglaban ng titig kay Brittany. Ipinagpapasalamat kong may kausap siya sa telepono kaya nakakuha ako ng pagkakataon para umalis.

"Sandali!"

Rinig ko pa ang pagtawag niya ngunit hindi na akong muling lumingon pa. Napahawak ako sa dibdib kong nagwawala habang nakasakay sa elevator. Ang balak kong kausapin siya kanina para pakalmahin ay biglang naglaho dahil mas nanaisin ko nalang na umalis siya at magcheck-in sa ibang hotel.

Ngayong alam niyang nandito ako, paniguradong ikukwento ito ni Brittany sa hinayup*k. Baka nga ang hinayup*k pa ang tinutukoy niyan