Kabanata 43

Nagharap kami ni Ms. Jessa sa opisina ng HR na si Mrs. Tizon at nahuhulaan ko na kung anong pakay nito.

"With all due respect ma'am, nakakaalarma na ang katangahan ng babaeng ito. Inilipat ko na nga sa pagiging janitress puro kapalpakan pa rin ang ginawa. I want to fired her right now!" Mainit ang ulo na sumbong ni Ms. Jessa. Magkaharap kami na nakaupo sa dalawang upuan sa harapan ng table ni Mrs. Tizon kaya pinandidilatan ako nito ng mga mata.

Huminga ako ng malalim at hinanda ang sarili sa sasabihin. Sasabihin ko kung ano ang totoo, walang labis walang kulang, kahit pa man sisisantihin ako ngayon din.

"Please be careful with your words Ms. Colonel. Hindi porke't head ka ay pwede mo ng pagsalitaan ng ganyan ang tauhan mo." Pormal ng wika ni Mrs. Tizon bago ako nito binalingan. "Please speak Ms. Agustino."

"Aaminin ko po na kasalanan ko ma'am. Nagulat po ako, nasa kalagitnaan po ako ng paglilinis sa may pintuan at di ko po inaasahan na may darating na bisita. Sa gulat ko po naitaas k