Kabanata 42

Araw ng Biyernes ngayon kaya inagahan ko dahil napakalaki ng reception area na lilinisan namin. Bukas na kasi gaganapin ang malakihang welcome event kaya puspusan na ang paghahanda ng lahat.

Ngunit akmang papasok palang ako sa locker room nang marinig ko kaagad ang hagikhikan ng ibang mga janitress dahil sa nakaawang na pintuan.

"Ang ganda sana kaso maharot. Akala niya siguro ay seseryosohin siya ni Sir Keron." Sa unang narinig ko pa lang ay naunawaan ko agad na ako ang pinagchichismisan ng mga ito.

"Pag iyon nalaman ni Mrs. Veronica, naku tiyak! Mapapahiya yung Zelena na yun!"

"Naku sinabi mo pa! Balita ko single mother daw yan eh. Ibig sabihin talaga malandi na!" Hirit naman ng isa pa.

"Kaya nga raw yan nilipat ni Ma'am Jessa sa pagiging janitress dahil nakikipaglandian daw yan kay Sir Vincent dun sa frontdesk, iyong VIP na anak ng Congressman."

Sobrang nag aalburuto na ang dibdib ko kaya nalakasan ko ang pagbukas ng pintuan kaya kumalampag ito. Kita ko ang gulat sa mga mukha ng tat