Kabanata 27

[Meghan's POV]

Hindi na bumalik si Brandon at Krissy. Wala rin akong ideya kung anong diskusyon ang nangyari sa dalawa hanggang sa natapos kaming kumain ni Yuri.

Pagkatapos ay bumalik ako sa room ko para makapagbihis at maayos ang mga gamit na dadalhin ko pabalik ng Manila.

Sadyang napakaraming nangyari sa halos dalawang araw lang na pamamalagi ko rito. Lalo na ang sa amin ni Brandon na walang-wala sa plano ko pero hinayaan ko lang ng makailang ulit.

Nahawakan ko ang sariling ulo sa sobrang kagagahan ko at malalim na bumuntong-hininga.

"De bale, uuwi na naman ako at kakalimutan ko nalang lahat." Pangaral ko sa sarili kahit alam kong napakaimposibleng mangyari.

Naghintay pa ako ng ilang minuto bago dumating si Yuri. Umalis kasi ito para makapagpaalam na rin kay Krissy. Ngunit ngayon ay bumalik itong dismayado ang hitsura.

"Yuri, may problema ba?" Nag-aalalang tanong ko.

"Pasensiya kana Meg kung medyo natagalan ako. Kino-comfort