Kabanata 32

Alas-singko pa lang ng umaga ay gumising na ako. Talagang inagahan ko para makapagluto at makakain si Brandon. Naalala ko kasi kahapon ang paghahabol niya sa oras kaya't di na siya kumain ng breakfast. 

Pagkatapos maligo at magbihis ay inasikaso ko na rin sa kusina lahat. Di naman ako nahirapan sa lulutuin pagka't napakaraming mapagpipilian. Basta hindi lang malansa ay pasado sa tummy ko. At nang matapos ay inihain ko na rin lahat sa mesa.

Hindi parin siya bumababa ng kwarto niya kaya't naisipan ko siyang katukin. Baka kasi late na naman siya magising at magkaundagaga na naman.

Dahan-dahan kong inakyat ang hagdanan at marahang kinatok ang pintuan ng kwarto niya.

"What?" Bungad ni Brandon na kinusot-kusot pa ang kanyang mata. Naghihikab pa ito ngunit kahit anong awra niya ay di manlang nabawasan ang kanyang kagwapuhan.

"Sorry kung naabala ko ang tulog mo. Malapit na kasi mag-7:00AM hindi ka pa lumalabas ng kwarto." Nahihiyang sambit ko ngunit k