Kabanata 126

Araw ngayon ng Biyernes. Kung kaya't naisipan ni Krissy na sa mansyon na muna umuwi pagkatapos ng kanyang nakakapagod na trabaho sa opisina.

Sadyang napakarami niyang gustong gawin after a long and tiring week. At isa na roon ang ibabad ang sarili sa kanilang malawak na swimming pool.

Simula kasi ng makabalik siya galing Las Vegas ay naging salitan niya bilang tirahan ang condo at mansyon, na kung saan siya komportableng mag-stay ay doon siya.

Ngunit ngayong pumayag na si Calex na tumira kasama siya kahit weekends lang ay napag-isip isip ni Krissy na mas maigi kung doon na lang din siya mamalagi sa condo gaya ng naging mungkahi ni mommy Liezel.

Bukod kasi sa magkakaroon sila ng privacy ng lalaki ay mapapanatili pa nilang lihim ang kanilang estado. As long as hindi pa lumulubo ang kanyang tiyan, mananatili siyang dalaga at single sa paniniwala ng karamihan.

Gusto niya na ring sanayin ang sarili na mamuhay roon kahit na kasinglaki lang iyon ng sala sa kanilang mansyon. At kapag maayos