Kabanata 130

Lumipas ang mga oras na nagkulong lang si Krissy sa kanyang kwarto. Parang hindi niya pa kayang harapin muli si Calex dahil sa napaka awkward na pangyayari kanina. Idagdag pa ang di mapigilang pagwawala ng kanyang puso.

Hindi niya alam kung paano siya kikilos ngayon dahil sa presensiya ng lalaki na nagbibigay ng tensyon sa kanya. Lalo na kapag naalala niya kung paano siya nito nahuling nakatitig kanina.

Geez! Nag-iinit na naman ang kanyang pakiramdam dahil sa labis na pagkapahiya.

Marahang natapik niya ang kanyang mukha. She's blushing again. At nakakapanibago sa kanya ang damdaming ito.

Parang gusto niya tuloy umalis na muna ngayon para maiwasan ang lalaki. Ngunit hindi niya naman pwedeng gawin. Tinakpan na lamang ni Krissy ang kanyang mukha ng unan. Kapwa kasi magulo ang kanyang isip at puso.

Ganito pala ang pakiramdam kapag may kasamang lalaki sa iisang bahay. Not to mention na asawa pa niya.

Di mapakaling nagpalakad-lakad naman siya sa kanyang kwarto ngayon. Habang iniisip kung a