Kabanata 131

Halos kalahating oras na nasa terrace ngayon si Krissy habang pinapakalma ang damdamin sa magandang view na kanyang nakikita.

Ngayong araw pa nga lang silang magkasama ni Calex pero sadyang napakarami na ng mga nangyari. Ano pa kaya sa mga susunod na linggo at buwan. She's hoping na kung meron man, sana hindi ganoong klase ng eksena.

Feeling niya wala na siyang mukhang maihaharap pa sa lalaki. Kahit naman siguro sinong babae na nasa kalagayan niya ay papangarapin nalang na lamunin ng lupa dahil sa kahihiyang iyon.

Hindi niya rin alam kung ano na ang ginagawa ng lalaki ngayon sa kwarto nito. Ngunit nagpapasalamat siya at hindi pa rin ito lumalabas. She's not ready to face him.

Nasa malalim siyang pag-iisip nang tumunog ang doorbell. Mukhang dumating na ang mayordoma ng kanilang mansyon para ihatid ang mga pinaluto niyang pagkain.

Dahil sa eksenang nangyari kanina ay nakalimutan niya ng tanungin pa ang lalaki sa gusto nitong kainin. Buti nalang at naalala niya ang mga sinabi ni mommy L