Kabanata 123

Kung gaano kabilis ang naging kilos ni Calex ay hindi niya na alam. Basta na lamang niya pinaharurot ng takbo ang bagong nabili niyang sasakyan.

Gusto niya pa sanang tanungin si Krissy kanina tungkol sa nangyari kung bakit naospital ang mommy Liezel niya. Kaso dahil sa labis na pagkataranta ay hindi na niya inaksaya pa ang oras.

Gamit ang waze ay ilang oras din ang binyahe ni Calex magmula Batangas patungong Makati kung saan daw naconfine ang kanyang mommy.

At sa nasabing ospital ni Krissy na siya dumiritso.

"Nurse, anong room number ni Liezel Vargas? Yung babaeng isinugod dito kanina ni Krissy Parker." Nagmamadaling tanong ni Calex sa nurse station nang makapasok na siya sa naturang hospital.

Ibinigay naman kaagad ng nurse ang impormasyong kailangan niya at mabilis ang mga hakbang ni Calex patungo sa nasabing kwarto.

"Mom!" Puno ng pag-aalala ang mukha ni Calex nang tuluyang makapasok sa kwarto at makita ang kanyang mommy.

Medyo nabawasan ang kaba niya nang maabutang gising na ito a