Kabanata 5| Postponed Meeting

Inipon ni Maddox ang kan’yang lakas para sa pagkikita nila ng magiging bago niyang pamilya, ang pamilya Xander. Matapos siyang mag-ayos ng kan’yang sarili ay agad s’yang bumaba para hintayin ang mga magulang niya.

Hindi niya inaasahang naroon na pala ang mga ito sa baba, lahat ay busy sa pag-aayos ng kani-kanilang sarili habang tinitingnan ng mga ito ang pigura nila sa malaking salamin sa gilid. 

“Mommy, am I beautiful? Okay lang ba ang suot ko? Hindi ba masyadong daring?” tanong ni Sapphire habang sinisipat nito ang kan’yang sexy-ing dress sa salamin. Umikot-ikot pa ito na para bang feel na feel nito ang suot-suot nitong red dress na hapit na hapit sa katawan. Sa isip-isip ni Maddox para itong pupunta sa bar at doon sasayaw--- sa madaling salita para itong p*kpok kung titingnan. 

“Oh, Maddox! Bumaba ka na, kanina ka pa namin hinihintay—” sigaw ng kan’yang inang si Carmina nang makita siyang bumababa sa hagdan. Hindi na nito nasagot ang kaninang tanong ni Sapphire dahil nakapokus na ang atensyon nito sa kan'ya.

Kita ni Maddox ang pagkatulala ng mga tao sa baba’t pati na ang mga kasambahay roon ay nakatingin lamang sa kan’ya. Bigla siyang nakaramdam ng hiya ngunit nilakasan niya ang loob. Maddox walked with confidence as if she was in the runway. 

Natulala ang mga tao sa baba sa angking kagandahan ni Maddox. Para siyang anghel na bumaba mula sa kalangitan. Ang mga mata ng mga tao ay nakatutuok lamang sa babae na para bang sinasamba siya, dumagdag pa ang napakatamis na ngiti niya kaya napasinghap ang lahat. 

Samantalang bumalik naman sa realidad si Sapphire at agad na nagsalita. Hindi nito maikakaila na pati siya ay natulala sa kagandahan ngayon ng ate niya ngunit hindi siya nagpatalo. Agad niyang kinuha ang atensyon ng mga taong nasa paligid nila. 

“Mommy~ tingnan mo ang dress ng ate, hindi naman bagay sa kan’ya! Para s’yang manang kung tingnan! Ano ba naman ang napili niya, napaka-old fashion!” inis na saad ni Sapphire kaya nawala ang atensyon ng mga magulang sa panganay nilang anak. 

Napatango na lamang si Carmina at bumaling ang atensyon nito sa nag-ri-ring na telepono sa bulsa. It was Mrs. Xander kaya nataranta siya. Walang inaksayang oras si Carmina at agad na sinagot ang tawag ng Donya. 

“Mrs. Xander napatawag ka?” magalang na tanong ni Carmina kaya napahinto sa pagsasalita si Sapphire. Marinig lamang ang nanay ni Kai ay agad na naalerto si Sapphire. Kailangan niyang ipamukha kay Mrs. Xander na siya ang karapatdapat sa anak nito at hindi ang Ate niya, kaya nga naghanda siya para sa dinner meeting nila ngayon. Nagpaganda talaga siya at nagsuot ng mamahaling dress at alahas. She wants to steal the spotlight na para sana sa Ate niya. 

“Ano? Hindi tuloy ang miting? B-Bakit?” Nakaramdam ng disappointment si Sapphire nang marinig ang sinabi ng kan’yang ina. Her efforts were wasted kapag nga na-postponed ang miting nila. Nagpa-salon pa siya’t lahat-lahat, pati photoshoot ng schedule kinancel niya para lang sa miting na ito. Bigla napamura si Sapphire sa kan’yang isipan. Kita niya ang paglungkot ng ekspresyon ni Carmina kaya na-kumpirma niyang hindi na matutuloy ang pagsasalo-salo nila. 

“Sige… Let’s schedule that next time. Tawagan mo ako kapag handa na kayo…” 

Ang masiglang mukha ni Carmina ay biglang naglaho, napatingin si Carmina sa dalawang taong nakatutok sa kan’ya na para bang hinihintay nitong may sabihin siya. Hindi nga nakapagpigil si Sebastian kaya nagtanong ang lalaki kan’ya. 

“Ano? Bakit daw hindi tuloy ang dinner meeting natin?” tanong ng asawa niya.

Bagsak-balikat na sinagot ni Carmina si Sebastian. “May mahalagang appointment silang pupuntahan. Nakalimutan nitong sabihin sa atin agad…”

“Ano!? I spend my precious time with this dinner meeting tapos ikaka-cancel lang nila? Sana pala hindi ko na lang kinancel ang mga photosohoot ko napagalitan pa tuloy ako ng manager ko!” inis na saad ni Sapphire at nagdabog. 

“Tayo ba ay pinagloloko ng pamilyang Xander na iyan? Hindi porket mas mayaman sila kaysa sa atin ay gan’to na lang nila tayo ta-tratuhin! Hindi ako papayag na gawin nila ulit sa atin ito. Kapag nag-merge ang kompanya natin, sisiguraduhin kong ang lahat ng yaman nila ay mapupunta sa pamilyang Corpus!” galit na saad ni Sebastian. Napapailing na lang si Carmina sa sinabi nito. Puros negosyo lang ang laman ng utak ng kan'yang asawa, hindi na siya nasanay pa.

“Kumalma ka muna Sebastian, sabi naman ay i-re-resched na lamang ang dinner meeting natin. Hindi pa naman huli ang lahat,” sagot naman ni Carmina na nagpagaan ng loob ni Sebastian. 

“Oh, Maddox, anak narinig mo naman ang lahat, postponed daw ang miting natin, magbihis ka na lang at magpahinga.” Lumingon si Carmina kay Maddox na kabababa pa lamang ng hagdan. 

Umiling lamang si Maddox bilang sagot. “Tapos na ho akong magpahinga, Mama.  Aalis na lang muna ako at may importanteng tao akong i-me-meet ngayon.” 

Kumunot ang noo ng tatlo, tila ba nagtatanong kung sino ang kikitain ni Maddox gayong alam nilang wala naman itong kaibigan sa Maynila o kakilala. 

“Saan ka naman pupunta, Ate? Wala ka namang kaibigan o kahit kakilala man lang dito sa Maynila, baka maligaw ka hindi mo pa naman alam at kabisado ang daan dito. Hindi ito kagaya ng probinsya Ate,” wika ni Sapphire. Gustong matawa ni Maddox sa sinabi ng kan’yang kapatid, hindi siya bata para maligaw sa isang lugar. Kinaya nga niyang manirahan sa US ng mag-isa, dito pa kaya sa siudad ng Kamanynilaan? 

“I am not a child, Sapphire. Hindi ako maliligaw kung iyan ang kinakatakot mo,” natatawang sagot ni Maddox sa kapatid. 

Sapphire is so stupid, sa isip-isip niya. 

“I am just worried, Ate.” Maddox wanted to snort ngunit pinigilan niya lang, halatang-halata kasi ang kaplastikan ng kan’yang kapatid. 

“Whatever you say…” sagot ni Maddox kay Sapphire. 

“Nag-aalala lamang ang kapatid mo sa’yo. Bakit hindi mo ma-appreciate ang kabutihan ni Sapphire sa’yo, Maddox? Oh s’ya, gawin mo ang gusto mo ngunit umuwi ka ng maaga. Uwi ng pambabae ah, ayaw na ayaw namin ng ama mo ang nali-late o inuumaga ng uwi.”

Napatango si Maddox at hindi na lamang nagsalita. Agad siyang umalis sa bahay na iyon, nang makalabas siya ay para bang nakahinga siya ng matiwasay. Parang impyerno ang bahay, para siyang paulit-ulit na sinasakal doon. She really wants to have some fresh air, mabuti na lamang at hindi natuloy ang dinner meeting nila, may oras pa siyang i-meet ang kaibigan niya.