Kabanata 9| Rain Xander

Malaki ang panghihinayang ni Sapphire dahil hindi siya naka-attend sa dinner meeting ng pamilyang Corpus-Xander. Hindi kasi siya pinayagan ng kan’yang manager dahil noong nakaraan ay kinancel na niya ang shoot niya. Isa siyang modelo ng isang sikat na clothing design kaya naman napaka importante noon para sa kan’ya.

“Kumusta ang dinner meeting ninyo, Mommy?” Hiniling ni Sapphire na maging magulo ang pagsasalo-salo at sana’y hindi pumayag si Mrs. Xander sa kasal ngunit base sa reaksyon ng kan’yang ina ngayon na kararating pa lang ay mukhang naging maganda ang pagsasalo-salo ng mga ito.

“Maayos, anak. Mabuti na lamang at pumayag si Mrs. Xander na maikasal ang ate mo sa panganay nilang anak…” Bumaling si Carmina kay Maddox at sinimaan ito ng tingin kaya naman napakunot ng noo si Sapphire. Mukhang may nagawa na namang kasalanan ang ate niya.

“Huwag na huwag mo ng uuliting hindi sumunod sa inuutos namin sa’yo ng ama mo, Maddox. Gano’n ka ba pinalaki ng lola mo? Gano’n ba ang ugali ng mga