Kabanata 22| Dr. Reyko Takahashi

Kanina pa pinag-iisipan ni Kai kung sasabihin ba niya sa kan’yang kaibigang doktor kung ano ang sinabi ni Maddox sa kan'ya kagabi. Kung tutuusin may karapatang malaman ng doktor niya ang lahat ng mangyayari dahil ito ang nag-ha-handle sa case kan'ya.

Agad niyang tinawag ang assistant para utusan ito. “Pakitawagan si Dr. Takahashi,” utos niya kaya mabilis namang kinuha nito ang telepono sa mesa at iniabot iyon sa kan'ya matapos na tanggapin ng doktor ang kan'yang tawag.

“Kumusta, Bro? Napatawag ka? Ilang araw na akong tumatawag sa'yo, may na-miss kang check up no'ng nakaraang linggo. Ako ang malalagot kay Tita Theresa kapag nalamang nitong hindi ka sumipot sa weekly check up mo,” kaagad na saad ng kan'yang kaibigang si Reyko.

Si Dr. Reyko Takahashi ay isang professor sa UP at nakapagtapos ng masters degree sa paaralang din iyon. Marami ring natanggap na achievement si Dr. Reyko sa larangan ng medisina at isang sikat na doktor din sa Pilipinas.

Simula ng maaksidente si Kai ay ito na