Kabanata 21| Mas magaling ang doktor na nakilala ko kaysa sa future sister-in-law mo!

“Napakabuti talaga ng batang iyon, mas maganda siguro kung maging future wife mo siya, apo.”

Napahinto si Lance sa pagkuha ng basong nakalapag sa mesa ngunit agad na nakabawi naman siya saka napangiti sa matanda.

“‘Lo, si Dr. Corpus ay mahirap abutin, hindi bagay na ang isang katulad kong pasaway ang mapangasawa niya,” sagot niya sa matanda saka ibinigay ang gamot nito at pinainom ng tubig. “Magpahinga na kayo, kung ano-ano pa ang nasa isip n'yo,” dagdag pa ni Lance.

“Malapit na akong mawala sa mundo, apo. Bago pa man ako mawala, gusto ko sanang makita kang ikasal sa isang babaeng kagaya ni Dr. Corpus. Ayaw kong ihabilin ka sa hindi ka naman tunay na mahal, gusto ko iyong mapapanatag ako na may mag-aalalaga sa'yo kapag wala na ako.” Nakaramdam ng lungkot si Lance dahil sa sinabi ng lolo niya, totoo ngang kunti na lamang ang buhay nito at kung pwede nga lang pahabain pa ang buhay nito'y gagawin niya. Ang lolo niya na lamang ang natitira niyang pamilya, siya'y inampon nito noong bata