Kabanata 29| Selective memory loss

Napakunot ang noo ni Maddox nang marinig ang tanong ni Reyko sa kan'ya. Tiningnan niya si Reyko nang taimtim na para bang inaalala kung nagkita na sila ngunit wala naman siyang maalala.

“Siguro'y kaboses ko lamang ang tinutukoy mo, Dr. Takahashi,” sagot ng dalaga kay Reyko ngunit hindi pa rin maka-move on si Reyko. Talagang narinig na niya ang boses ni Maddox noon, hindi niya lang talaga maalala.

Napailing na lamang si Reyko, siguro ay tama nga ang sinabi ng babae sa kan'ya. Siguro'y kaboses lamang nito ang babaeng nasa isip niya.

“Siguro nga, tama ka.”

Ipinagsawalang-bahala na lamang ni Reyko ang naisip saka napatango-tango. Kinuha niya ang maliit niyang brief case saka nagpaalam sa dalawa.

“Mukhang okay naman ang lagay ng aking kaibigan. Mauna na ako sa inyo. Mayroon akong lakad na importante at may pasyente rin akong naghihintay sa akin. Bro, alis na ako. Salamat ulit, Dr. Corpus.” Umalis nga si Reyko ngunit bago iyon ay nag-fist bump muna sila ni Kai.

“Mag-iingat ka,” sagot