Kabanata 2

"Mama, totoo ba na on-process na ang divorce nina Ate Arya at Kuya Damon?" tanong ni Dionne, ang nakababatang kapatid ni Damon.

Ngumiti si Divina Walton, ang current vice president ng Walton Insurance Incorporated. Si Damon ang kasalukuyang presidente ng naturang kumpanya.

"Oo, totoo ang nabalitaan mo. Greta is back at dahil wala na ang iyong grandpa, there is no more reason para ituloy ng kuya mo ang relasyon niya sa babaeng 'yon. Besides, she's worthless. Arya is just an obedient housewife. She's nothing compared to Greta." Nag-aayos ng kaniyang sarili si Divina. Pulang-pula ang kaniyang labi, gano'n din ang kaniyang mga pisngi. Nagsalubong ang mga kilay niya nang makita niya ang nakasimangot na mukha ni Dionne sa salamin. "Bakit malungkot ka? Don't tell me, naaawa ka sa babaeng 'yon?"

"Mama, she has a name. She's ARYA. Three years niyo na siyang tinatawag na "babaeng 'yon". And, she's not worthless. Did you forget how she saved our company from the verge of bankruptcy? She's great at sales and numbers!" Napahawak sa kaniyang pisngi si Dionne nang bigla siyang sinampal ng kaniyang Mama Divina.

"Kailan ka pa kumampi sa babaeng 'yon? Dionne, pare-pareho nating ayaw sa kaniya! No one in this family, well except your grandpa, treated her well. Kung kailang wala na siya sa pamilyang ito, saka mo sasabihin ang mga bagay na 'yan? Tontà ka ba? At saka gumising ka nga! Mahirap pa sa daga ang babaeng 'yon. Wala kang mapapala sa kaniya kaya tigil-tigilan mo 'yan. Wala akong anak na maawain." Nagpatuloy sa pag-aayos si Divina.

Yumuko si Dionne. Hawak niya ang namumula niyang pisngi. "I'm sorry, mama," mahina niyang sabi. Noon pa niya gustong makipag-close kay Arya kaso mahina ang loob niya. Hindi niya kayang suwayin at kalabanin ang kaniyang pamilya. Isa lamang siyang college student. Wala pa siyang kakayahang tumayo sa sarili niyang mga paa kaya kailangan niyang maging masunurin sa kaniyang mga magulang. Sa lahat ng kilos at desisyon niya, palagi niyang isinasaalang-alang ang mararamdaman at iisipin ng mga ito.

"Get back to your senses, Dionne. Simula ngayon, ayaw na ayaw ko nang maririnig ang pangalan ng babaeng 'yon." Tumayo si Divina. Kinuha niya ang kaniyang mamahaling bag.

"Aalis ka ba, mama?" tanong ni Dionne.

"Ano sa tingin mo?" masungit na tugon ni Divina.

Hindi na nagsalita si Dionne.

Naglakad na si Divina patungo sa may pintuan. "Oo nga pala. Pagdating ng papa mo galing sa business trip niya, sabihin mo sa kaniya na sumunod siya sa akin. Hindi ako p'wedeng ma-late kaya uuna na ako sa kaniya." Isasara na sana niya ang pinto nang nagsalitang muli si Dionne.

"Teka, mama. Hindi mo pa sinasabi sa akin kung saan ka pupunta. Paano ka masusundan ni papa mamaya?" Nagpigil ng tawa si Dionne.

"Oo nga pala. Papunta ako sa Villa ng mga Armani. Ngayong gabi, makikilala ko na kung sino ang nag-iisang tagapagmana ni Don Fridman. Isa lang naman ang pamilya natin sa masuwerteng nabigyan ng imbitasyon. Sa pagkakaalam ko, mga VVIP business partners at clients lang nila ang invited sa event. We're not even one of them so, we're so lucky! Tapos, bukas, may business meeting na agad si Kuya Damon mo sa apo ni Don Fridman. Oh 'di ba? Bumuhos ang suwerte simula nang mawala ang babaeng 'yon sa mga buhay natin!" Tumawa nang malakas si Divina. "I can't wait to meet those multi-billionaires!" She giggled before she left her room.

Naiwang tulala si Dionne. "Matagal nang nililigawan ng pamilya namin ang mga Armani. Ano kayang nangyari? Bakit bigla na lang silang naging open sa amin?" Inalog niya ang ulo niya. "Hindi ko na dapat iniisip 'yon. Tama si mama. This time, we're lucky." Bumuntong hininga siya. "Makapag-review na nga lang. Prelim na nga pala namin next week. Magagalit na naman si mama kapag hindi ako ang nanguna sa ranking."

Bago pumunta si Dionne sa kaniyang silid ay naisipan niyang pumunta muna sa mansyon ng kaniyang Kuya Damon. Katapat lamang iyon ng kanilang mansyon kaya mabilis lang din siyang nakarating doon.

"Ate Arya is a good wife. She got my respect because she's firm and kind. Sa kabila ng pagtrato naming mga Walton sa kaniya, tumagal pa rin siya ng tatlong taon sa bahay na ito." Umakyat si Dionne sa ikalawang palapag. Alam niya kung saan ang kuwarto ni Arya sa mansyon dahil palihim niya itong pinupuntahan sa tuwing pinapahiya ito ng kaniyang mama at papa.

Dahan-dahang hinawakan ni Dionne ang doorknob. Nagulat siya nang bigla itong bumukas. Nakita niya ang isang hindi pamilyar na mukha!

"Sino ka? Anong ginagawa mo sa mansyon ng kuya ko?" sigaw ni Dionne.

"Ikaw ba si Miss Dionne Walton?" tanong ng lalaki.

Nanlaki ang mga mata ni Dionne. Napaatras siya nang naglakad ang lalaki palapit sa kaniya. "Si-Sino ka? Paano ka nakapasok di-dito? Se-Security! Security!" tarantang sigaw niya.

"Huwag ka nang sumigaw. Tayo lang ang nandito." Binigyan ng lalaki ng pera ang mga bantay sa mansyon para hayaan siyang makapasok doon at pagkatapos ay umalis ang mga ito. Babalik lang sila matapos ang sampung minuto. "Huwag kang mag-alala. Hindi naman kita sasaktan. May gusto lang akong ibigay sa'yo." Isang usb ang iniabot niya kay Dionne.

"A-Ano 'to?" Nanginginig na sa takot ang mga tuhod ni Dionne.

Ngumiti ang lalaki. "See it for yourself."

Nalipat ang tingin ni Dionne sa bitbit na maleta ng lalaki. "Magnanakaw ka ba?" diretsong tanong niya.

Tumawa ang lalaki. "These are my sister's belongings so…"

"Si-Sister? Kapatid ka ni Ate Arya?" hindi makapaniwalang turan ni Dionne. Nakahinga siya bigla nang maluwag. Natunaw ang takot na kanina pang bumabagabag sa kaniyang sistema.

"Aha. At naparito lang ako para kunin ang iba niyang mga gamit. By the way, I'm Aiven but you can call me Ven." Kinindatan niya si Dionne.

Lumingon si Dionne sa paligid. "Are you with her? Kumusta si ate? May matutuluyan na ba kayo?" nag-aalalang tanong niya.

"As far as I can remember, walang sinuman sa pamilya ng mga Walton ang may pakialam sa ate ko." Bumagting ang panga ni Aiven. Dumilim ang kaniyang mga mata. "You and your family never treated her well."

Taas-noong nagsalita si Dionne. "What do you expect? We will treat her like a queen? As far as I can remember too, binayaran lang siya ni kuya para maging asawa. And oh! Hindi ba sa'yo ginamit ni Ate Arya ang perang nakuha niya mula sa amin? Ipinagamot ka niya, 'di ba?" Ngumiti siya nang makita niyang nagsalubong ang mga kilay ni Aiven.

"Pinakasalan ni Ate Arya ang kapatid mo dahil mahal niya ito at dahil na rin sa nagmakaawa ang LOLO mo sa kaniya. It's his dying wish. Binayaran?" Tumawa nang malakas si Aiven. "Ni singkong duling, walang ginastos ang pamilya mo para sa pagpapagamot ko. Ibang tao ang nagbayad ng medical bills ko noon."

"You're lying. Ayaw mo bang tanggapin na kasalanan mo kung bakit naging miserable ang buhay ng ate mo?" Muling napaatras si Dionne nang muling humakbang si Aiven palapit sa kaniya.

"Believe what you want to believe but, I am telling you the truth." Ngumiti si Aiven nang ma-corner niya si Dionne sa pader. Tinitigan niya ito sa mga mata. "Sabihin mo sa walang bayag mong kapatid na pagsisisihan niyang nakipaghiwalay siya sa kapatid ko. Sabihin mo rin sa nanay at tatay mo na magsimula na silang magdasal sa lahat ng mga santong kilala nila. Your family's downfall is about to begin. Hindi niyo kilala kung sino ang inapi niyo." Pagkasabi noon ay umalis na siya sa mansyon ni Damon, dala ang ilan sa mga importanteng gamit na naiwan ng kaniyang kapatid.

Bumilis ang paghinga ni Dionne. Hindi niya alam kung bakit nagdala na naman ng takot sa kaniya ang mga salitang binitiwan ni Aiven. Napaupo siya sa sahig. Naisipan niyang tingnan kung ano ang nilalaman ng usb. Nang makita niya ang mga laman noon, halos twenty minutes siyang nawala sa kaniyang sarili hanggang sa dumating ang kaniyang kuya.

Mabilis na nagtatakbo si Damon nang makita niya si Dionne. Tulala ito at animo'y wala sa sarili. Gulong-gulo rin ang buhok nito!

"Dionne, anong nangyari sa'yo? Okay ka lang ba? Anong ginagawa mo rito? Bakit gan'yan ang hitsura mo?" sunod-sunod na tanong ni Damon. Nakaguhit sa buong mukha nito ang labis na pag-aalala sa kaniyang nag-iisang kapatid. Malamig at hindi maganda ang trato niya kay Arya pero pagdating sa mga babae sa pamilya niya ay napaka-maalaga at napaka-protective niya!

Bumalik sa wisyo si Dionne nang maramdaman niyang may nakahawak sa kaniyang mga balikat. Nag-angat siya ng tingin at nakita niya ang nag-aalalang mukha ng kaniyang kapatid. Bigla na lamang siyang napaiyak. Niyakap niya nang mahigpit ang kaniyang Kuya Damon.

"Kuya, buti na lang at dumating ka," umiiyak na sambit ni Dionne.

"Please, calm down. Ano bang nangyari? Bakit ka umiiyak?" naguguluhang tanong ni Damon.

"Nanggaling dito si Aiven." Suminghot si Dionne.

"Aiven? Arya's brother?" Damon asked.

Tumango si Dionne.

Nanlaki ang mga mata ni Damon. Agad siyang naghanap ng pasa sa katawan ng kaniyang kapatid. "Sinaktan ka ba ng basagulerong 'yon?" galit na tanong niya.

"Okay lang ako, kuya. Hindi niya ako sinaktan," agad na sagot ni Dionne.

"Eh bakit ka umiiyak?" nagtatakang tanong ni Damon.

Dahan-dahang ipinakita ni Dionne ang kaniyang cell phone sa kaniyang kapatid. Nakasalpak na roon ang usb. Mabilis naman iyong kinuha ni Damon.

Halos lumuwa ang mga mata ni Damon nang makita niya ang mga litrato sa gallery ng cell phone ni Dionne. "Where did you get this?" Halata ang galit sa tono ng pananalita niya.

"Ibinigay ni Aiven sa akin kanina. Kuya, sabihin mo sa akin na hindi totoo ang mga litratong 'yan. Edited lang ang mga 'yan, 'di ba? 'Di ba?" Patuloy pa rin sa pagpatak ang mga luha ni Dionne.

Napaupo si Damon sa sahig. Nabitiwan niya ang cell phone ni Dionne. Hindi niya alam kung ano ang isasagot niya sa kaniyang kapatid dahil maging siya ay nagulat sa kaniyang mga nakita!

"Kuya, hindi 'yan magagawa ni mama sa atin, lalong-lalo na kay papa! HINDI NIYA MAGAGAWANG MANGALIWA!" Hindi na napigilan ni Dionne ang kaniyang emosyon.

Ikinuyom ni Damon ang kaniyang mga kamay. Isa ang kaniyang mama sa mga hinahanggan niyang personalidad. Buong akala niya ay mayroon na siyang perpektong pamilya. Akala niya lang pala!

"Dionne, I'm sorry. Hindi ko alam kung ano ang isasagot ko sa mga tanong mo. Kung may makakasagot man ng mga tanong na 'yan, si mama lang 'yon." Damon clenched his jaw. Gustong-gusto niyang sumigaw. Ayaw na ayaw niya sa mga babaeng manloloko lalo na sa mga babaeng mukhang pera! Looks like her mother is one of those kind!

Muling kinuha ni Damon ang cell phone ni Dionne at patuloy na nag-browse sa gallery nito. Sa pangalawang pagkakataon ay namilog ulit ang kaniyang mga mata nang makita niya ang official receipt ng hospital bills noon ni Aiven. Nakasulat sa resibo na si Ruben Dela Cruz ang nagbayad ng lahat ng medical expenses ng kapatid ni Arya. Matagal na niyang nais mapasakamay ang official receipt na iyon dahil ayaw niyang umurong bigla si Arya sa kanilang kasunduan kaso nabigo siya. Hiniling kasi ng lolo niya na si Arya ang kaniyang pakasalanan kapalit ng Walton Insurance Incorporated at buong akala niya ay napapayag niya si Arya dahil sa mga kasinungalingan nila ng pamilya niya. Sa madaling salita, si Arya ang dahilan kung bakit siya kinikilalang presidente sa nasabing kumpanya.

"Matagal nang alam ni Arya na hindi sa pamilya natin nanggaling ang perang sumalba sa buhay ng kaniyang kapatid? Pero bakit?" Hinilot ni Damon ang kaniyang sintido. "Bakit siya nanatili rito? Bakit niya tiniis ang lahat ng pagmamaltrato nina mama at papa sa kaniya? Bakit niya tiniis ang ugali ko?"

Tumigil sa pag-iyak si Dionne. Hindi pa niya alam ang tungkol sa bagay na iyon. Sa loob ng tatlong taon, pinaniwalaan niyang mukhang pera ang babaeng pinakasalan ng kapatid niya gaya nang palaging sinasabi ng kaniyang Mama Divina. "Totoo ang mga sinabi ni Aiven kanina? Wala silang utang na loob sa atin?" aniya.

Tumango lamang si Damon bilang tugon. Napatingin siya sa kaniyang cell phone nang bigla itong tumunog. Isang notification mula sa kaniyang bangko ang kaniyang natanggap.

{"Your account number ending in 234 received Php 500,000.00 from account number ending in 789."}

"Arya, what are you up to? Bakit mo ibinalik sa akin ang kalahating milyong pisong ibinigay ko sa'yo? Are you mocking me? Kulang pa ba ito?" Dahil sa ego ni Damon, muli siyang nagtransfer ng isang milyong piso sa bank account ng asawa niya! Tumawa siya nang malakas nang hindi ito agad ibinalik ni Arya sa kaniya. "I'm right. Kulang ang kalahating mil—" Muling tumunog ang cell phone niya.

{"Your account number ending in 234 received Php 1,000,000.00 from account number ending in 789."}

Galit na galit na itinapon ni Damon ang kaniyang cell phone sa sahig. "That bítch!" Napatingin siya kay Dionne nang magsalita ito.

"Kuya, nagtataka ka 'di ba? Kung bakit nanatili rito si Ate Arya? Kung bakit niya tiniis ang lahat ng pagmamaltrato nina mama at papa at kung bakit niya natiis ang ugali mo?" Tumayo si Dionne at kinuha ang cell phone ng kaniyang kuya sa sahig. Nakatingin lang sa kaniya si Damon. "The answer is too obvious. She loves you. Mahal na mahal ka ni Ate Arya at ang pagbalik niya ng perang ibinigay mo sa kaniya ay isang patunay na hindi siya isang bayarang babae." Ibinigay niya ang cell phone ng kuya niya rito.

Hindi nakapagsalita si Damon.

"Maiwan na muna kita, kuya. Susundan ko si mama. She owes me an explanation." Umalis na si Dionne sa mansyon ni Damon.

Sinabunutan ni Damon ang kaniyang sarili nang bigla niyang nakita si Arya sa kaniyang imahinasyon. Nasanay na siya sa presensya nito kaya ngayon, kahit saang parte ng mansyon siya tumingin ay nakikita niya ang nakangiting si Arya. Kung may nagustuhan man siya sa ugali nito, iyon ay ang pagiging mahinhin, masunurin at kalmado nito.

"Damon, wake up! You need to prepare for tomorrow. Kailangan mong mag-focus. Huwag mo munang isipin ang lahat nang nangyari ngayon. Wala kang dapat isipin kung hindi ang tungkol sa business presentation mo," aniya sa kaniyang sarili. Bumuntong hininga siya.

Sinampal ni Damon ang kaniyang sarili nang marinig na naman niya ang mahinahong boses ng kaniyang dating asawa. Mabilis siyang tumayo at naglakad patungo sa shower room. He needs to get rid of his thoughts about Arya pero makalipas ang ilang minutong pagbababad sa banyo...

"Arya, pakidala rito ng bath towel ko. Nakalimutan ko kasi. Salamat," sabi ni Damon. Napapikit siya nang mariin. Muli niyang binuhay ang shower. "Ano ba 'tong nangyayari sa akin? Bakit puro si Arya na lang ang tumatakbo sa isip ko buhat nang umuwi ako rito sa mansyon? Naninibago lang ba ako o na-namimiss ko siya?" bulong niya habang dinadama ang pagdampi ng tubig sa kaniyang buong katawan.