Kabanata 6

Kabanata 6

“Excuse me, miss. I have a reservation under Mr. Damon Walton’s name. Andito na ba siya?” Pormal na pormal ang ayos ni Greta. Nakataas ang kaniyang isang kilay habang hinihintay ang sagot ng front desk staff.

“Please proceed to the VVIP room number 8, Miss…”

“Greta. Greta De Vil.” Agad niyang kinuha ang keycard sa staff at taas-noong naglakad patungo sa nasabing silid.

Inis na inis si Greta kay Damon dahil hindi man lamang siya nito tinawagan buong magdamag. Nabalitaan niya ang nangyaring kaguluhan sa party ng mga Armani kagabi, sangkot ang kaniyang itinuturing na future mother-in-law. Sa kagustuhang malaman ang buong detalye ng kuwento ay tinawagan niya si Divina Walton at nagtanong ng mga bagay-bagay rito. Sa dulo ng kanilang pag-uusap ay aksidenteng nabanggit ni Divina na nagta-trabaho na sa mga Armani ang dati nitong manugang na si Arya. Naulit din nito ang tungkol sa pagkaka-promote ni Arya bilang General Manager ng Armani Groups.

“Arya, hindi ko alam na talentado ka palang babae. Is this your way para muli mong maangkin si Damon?” nagngingitngit na sambit ni Greta habang binabaybay niya ang daan patungo sa VVIP room number 8.

Nakasalubong ni Greta si Mariz. Hindi niya ito napansin dahil sa pagmamadali.

Agad na tinawagan ni Mariz ang totoong tagapagmana ni Don Fridman Armani.

“Senyorita, your husband's mistress is already on her way to the VVIP room. Wala pa po. Hindi ko pa po nakikita ang inyong ex-husband. Sige po. Masusunod po.” Ibinaba ni Mariz ang telepono. Isinuot niya ang kaniyang black shades at agad na sinunod ang utos ng kaniyang amo.

Mabilis na ini-swipe ni Greta ang hawak niyang keycard sa pinto nang makarating siya sa kaniyang destinasyon. Agad na kumulo ang kaniyang dugo nang makita niya si Arya. Sopistikada at revealing ang suot nito, kabaligtaran sa clothing style nito noong asawa pa nito si Damon. Pulang-pula rin ang labi nito at halos perpekto ang makeup nito sa mukha. Sa madaling salita, parang isang dyosa ang nasa harap niya ngayon!

“Who are you?” Nagpanggap si Arya na hindi niya kilala si Greta. Sa tatlong taon niya sa mansyon ng mga Walton, halos araw-araw yatang bukambibig ng mother-in-law niya ang pangalang Greta. Ito ang unang beses na nakita niya ito pero may ideya na siya sa hitsura nito dahil nag-request siya noon ng profile ni Greta kay Aiven.

Hindi sumagot si Greta, sa halip ay naglakad lang siya palapit kay Arya.

“Secretary ka ba ni Damon? He didn't inform me na hindi siya makakarating sa meeting namin.” Marahang tumayo si Arya. Nginitian niya si Greta. Gustong-gusto niya ang facial expression nito ngayon dahil halatang galit na galit ito sa kaniya.

“Mukha ba akong isang secretary?” Ngumiti si Greta pabalik.

“Kind of,” matipid na sagot ni Arya. “Where's Mr. Walton?” Tumingin siya sa wristwatch niya. “He's already late.”

“He's not coming. Nagpatawag ng isang urgent meeting ang board of directors. He's the president so technically, he needs to be there,” Greta lied. She sat on the couch then she crossed her legs.

“Is that so? Sayang naman. Other than today, wala na akong time para pakinggan ang business proposal niya.” Kinuha ni Arya ang kaniyang bag at akmang aalis nang pigilan siya ni Greta.

“Tell me, Miss Arya. Paano ka nagkaroon ng access sa mga Armani? Ang sabi sa akin ni Mama Divina, katulong ka lang daw last night tapos ngayon. Look at you! Isa ka ng general manager! How did you do it overnight?” Kinuha ni Greta ang bote ng alak sa mesa at nagsalin nito sa dalawang kopita. Ibinigay niya ang isang kopita kay Arya.

“Excuse me. I didn't even know you. I don't need to explain myself to strangers. Sino ka ba? Paano mo nakuha ang keycard ng silid na ito?” Muling ibinaba ni Arya ang kaniyang bag sa mesa at bumalik sa pagkakaupo.

“Really? Hindi mo ako kilala? Imposible.” Uminom ng alak si Greta.

“Do I need to know who you are? I don't have any business with you.” Arya drank some wine too.

Nilaklak ni Greta ang alak na natira sa hawak niyang kopita. Hinawakan niya ito nang mahigpit saka muling tinitigan si Arya. “Stop acting, Arya. Alam ko kung ano ang pakay mo. Gusto mong agawin sa akin si Damon.”

Umawang ang bibig ni Arya. Mayamaya pa ay tumawa na siya nang ubod ng lakas.

“Is that your way to ease your pain? Alam mo, maaawa pa sana ako sa'yo dahil hiniwalayan ka ng asawa mo ang kaso, isang araw pa lang kayong hiwalay, naghanap ka na agad ng SUGAR DADDY!” Sumandal sa upuan si Greta.

“EXCUSE ME?” Tumaas ang kilay ni Arya.

“Bakit ba ayaw mo pang aminin? Isa lang ang naiisip kong paraan kung paano ka nakarating sa posisyon mo ngayon. Ano? Magaling ba sa kama ang matandang si Don Arman—-” Marahang tumawa si Greta nang makatikim siya ng sampal mula kay Arya.

“Huwag na huwag mong idadamay si Don Armani sa galit mo sa akin.” Namumula na ang mukha ni Arya. Gustong-gusto na niyang sabunutan si Greta pero pinigilan niya ang sarili niya.

“How sweet. Sabagay, ikaw ba naman ang bigyan ng magandang trabaho at kung ano-anong mamahalin na gamit. Ewan ko lang kung hindi mo ipagtanggol ang sug—” Halos maluha si Greta sa natamo niyang panibagong sampal mula kay Arya.

“Alam mo, miss, mahirap gamutin ang inggit. Biruin mo nawawala ang manners at respeto mo sa kapwa mo ng dahil sa inggit mo sa akin. Kung ako sa'yo, ipapagamot ko na ‘yan. Ikaw rin, baka sa mental ka bumagsak.” Inubos ni Arya ang alak sa kopita.

“Ang kapal ng mukha mong sampalin ako ng dalawang beses!” sigaw ni Greta.

Umismid si Arya. “Nasaktan ka na agad? Kung tutuusin, kulang na kulang pa ‘yan sa lahat ng pang-iinsulto mo sa akin pero hahayaan ko na lang kasi nakakaawa ka naman. Mahilig ka na nga sa tira-tira ng iba, mahilig ka pang gumawa ng kuwento.” Kinuha niya ang kaniyang bag at tumayo.

Hindi makapaniwala si Greta sa inasal ni Arya sa harap niya dahil sobrang taliwas ang ipinapakita nito ngayon kumpara sa mga kuwento ni Divina! Kailan pa nagkaroon ng lakas ng loob ang babaeng ito na ipagtanggol ang kaniyang sarili?

Naglakad na si Arya patungo sa direksyon ng pinto. Ilang hakbang na lang at malapit na siya sa exit nang maisipan niyang muling harapin si Greta.

“I owned Damon before and we shared a lot of nights together. Be vigilant, ha. Baka mangyari nga ang bagay na kinatatakutan mo, ang maagaw ng ex-wife ang kaniyang ex-husband mula sa kerida.” Ibinigay ni Arya ang pinakamatamis at pinaka-nakakaloko niyang ngiti kay Greta. Bago niya tuluyang lisanin ang silid ay umalingawngaw sa kaniyang mga tainga ang galit na galit na sigaw ng first love ng kaniyang ex-husband.

“I'm sorry, Damon, but I need to follow my plan B because of that bítch. Get ready to play fire with me, Greta and Damon,” Arya whispered as she prepared for her next move.