Kabanata 4

Kabanata 4

"Anong ginagawa mo rito?" Lumingos sa paligid si Damon. "Nasaan si Arya?" kunot-noong tanong niya.

"I'm working here," pagsisinungaling ni Aiven.

Marahang nagpakawala nang malalakas na tawa si Damon. "Gabi na, nakuha mo pang magbiro. Hindi basta-basta tumatanggap ng empleyado ang mga Armani. Kahit nga katulong at driver eh mataas ang standards nila. Huwag mo nga akong lokohin. At saka, alam kong hindi ka pa nananawa sa pakikipag-basag-ulo sa kalye."

"Sobrang yaman ng mga Armani pero hindi niyo sila katulad na masyadong mapagmataas. Hindi nila tinitingnan kung gaano kataas ang grado mo noong kolehiyo o kung gaano ka kagaling, mas tumitingin sila sa ugali. Kadalasan kasi, mas tuso at mas mapanlinlang ang mga taong sobrang daming nalalaman." Ngumiti nang nakakaloko si Aiven.

Damon clenched his jaw. "So, you're really working for them?"

Tumango si Aiven.

"How about my wife? Nandito rin ba siya?" Damon said out of nowhere. Maging siya ay nagugulat sa mga lumalabas sa bibig niya.

Kinagat nang mabilis ni Aiven ang dila niya. "Akala ko ba, ayaw mo na kay ate? Pinapirma mo na nga siya sa divorce papers, 'di ba? Bakit hinahanap mo siya ngayon?" Biglang sumeryoso ang mukha niya.

"I'm just asking. Masama bang magtanong? Anyway, matutulungan mo ba akong makapasok sa loob?" Tumingin si Damon sa mga maskuladong lalaking nakabantay sa harap ng gate. Nagngitngit ang mga ngipin niya.

"Ang tapang-tapang mo kay Ate Arya tapos duwag ka sa mga 'yan," bulong ni Aiven.

"Anong sabi mo?" Nagsalubong ang mga kilay ni Damon.

"Hindi mo ba talaga minahal ang kapatid ko? Naging mabuti siyang asawa sa'yo. Lahat ng mayroon siya at lahat ng pangarap niya, nagawa niyang isuko dahil mahal ka niya. Akala mo ba ang lolo mo ang dahilan kung bakit siya nagpakasal sa'yo? Si Ate Arya mismo ang nakiusap sa lolo mo na i-arrange marriage kayo. Ang mas nakakatawa, alam ni ate na hindi kayo ang nagbayad ng medical bills ko noon pero sinakyan niya ang mga kasinungalingan niyo." Nais malaman ni Aiven kung ano ang magiging reaksyon ni Damon kapag nalaman na nito ang totoo.

Damon swallowed his saliva. He got confused when he noticed Aiven's attire. He's certain that it costs a fortune. His eyebrows furrowed when he spotted the Rolex watch on Aiven's hand. "Did you win the lottery?" he said, unconsciously.

Tumawa si Aiven at pagkatapos ay umiling. "Ipinahiram lang ito sa akin ni Don Fridman," aniya.

Nakasimangot na si Damon. 'Nagustuhan siya ng matandang 'yon? Basagulero ang isang 'to. Ano ang nakita ng mga Armani sa kaniya at ganito siya kung ituring?' Napatingin siya sa screen ng cell phone ni Aiven nang bigla iyong tumunog. Nakaramdam siya ng kaunting saya nang makita niyang tumatawag si Arya.

Matagal nang nag-ri-ring ang cell phone ni Aiven pero hindi pa rin niya ito sinasagot.

"Nag-away ba kayo ng ate mo?" tanong ni Damon.

"It's none of your business." Pinatay ni Aiven ang kaniyang cell phone. "Ano? Gusto mo pa bang pumasok sa loob o dito ka na lang sa labas?"

Mabilis na sumunod si Damon kay Aiven. Halos hindi siya makapaniwala na pinalampas silang dalawa sa gate. No questions, no commotions. 'Aiven, paano mo napapasunod ang mga tauhan ng mga Armani ng gano'n-gano'n na lang? Ano ba talaga ang ugnayan mo sa kanila?' isip-isip niya.

~~~

Inawat ng mga maskuladong lalaki sina Divina at Erin at pinaglayo-layo ang mga ito. Katabi ni Divina sa table ang kaniyang anak na si Dionne.

"Dionne," mahinang tawag ni Divina. Hindi siya pinansin ng kaniyang anak. Hinawakan niya ang kamay nito pero agad ding kumawala sa kaniyang pagkakahawak si Dionne. "Dionne, mamaya tayo mag-usap pagdating natin sa bahay. May malaki kang kasalanan sa akin," bulong niya.

Umismid si Dionne. "At ako pa ngayon ang may atraso? Hindi ko alam kung saan ka kumukuha ng kapal ng mukha, m-mama." Natawa siya.

"Sumosobra ka na, Dionne," impit na sigaw ni Divina.

Dionne shifted her head. She looked directly into her mother's eyes. "Until now, I am convincing myself that you're not a cheater. I am still hoping that our family is well and happy but…" She chuckled. Her tears were about to fall. "Everything was a lie. It was just a fairytale. You wrecked our home just like how you destroy my respect and trust… OUR RESPECT AND TRUST."

Hindi nakapagsalita si Divina. Nagkunwari na lamang siyang walang narinig.

"May I join you?"

Napalingon ang mag-inang Walton sa nagsalita. Pareho silang nagulat nang makita nila ang pamilyar na mukha!

"Anong ginagawa mo rito?" Pinasadahan ng tingin ni Divina si Arya mula ulo hanggang paa. "Hindi ko alam na ambisyosa ka pala. Matapos mong huthutan ang anak ko, ang mga Armani naman ang balak mong gatasan. May balak kang akitin si Don Fridman 'no?"

"Mama, tama na. We're in the middle of the party. Hindi pa ba sapat ang gulong ginawa niyo kanina? Hayaan mo na si Ate Arya," inis na suway ni Dionne sa kaniyang ina.

"Kahit talaga bihisan mo ang isang daga, daga pa rin." Inirapan ni Divina si Arya.

"Mag-ina nga kayo ni Damon. Pareho kayong mapanghusga at mapangmata sa kapwa niyo." Tiningnan ni Arya ang table nina Divina. Kukunin pa sana niya ang wine glass nang bigla siyang tinapunan ng alak ni Divina sa kaniyang suot na damit.

Tumawa nang malakas si Divina. "Perfect! Now, wipe my expensive shoes with your maid uniform." Namilog ang mga mata niya nang hindi sinunod ni Arya ang utos niya. "Ano pang itinu-tunganga mo riyan? Hubarin mo na ang damit mo at punasan mo ang sapatos ko!" sigaw niya.

Ngumiti si Arya. "Wala ka na ngang kwentang ina, wala ka pa ring kwentang mother-in-law," mariing sabi niya. Napahawak siya sa pisngi niya nang sampalin siya ni Divina Walton!

"Ang isang hampaslupa na tulad mo ay walang lugar sa ganitong klaseng lugar at pagtitipon. Bukas na bukas, tatawagan ko ang agency na nagpasok sa'yo rito bilang katulong ng mga Armani at ipapatanggal kita sa trabaho mo! Nakakahiyang naging manugang kita! Wala ka ngang pinag-aralan, wala ka pang manners!" Dinuró ni Divina si Arya.

Dahil hindi na natiis ni Mariz ang nangyayari sa kaniyang amo, ay agad siyang lumapit dito. Galit na galit siya habang nakatingin kay Divina Walton. 'Talagang totoo ang sinabi ni Senyorita Arya. Napaka-itim ng budhi ng ilaw ng tahanan ng mga Walton. Paano nagawang tumagal ni senyorita sa mansyon ng mga ito? Sigurado akong nagpupuyos na sa galit si Don Fridman sa mga oras na ito!'

Limang minuto bago ang main event, tinawagan ni Arya ang secretary ng kaniyang lolo na si Mariz para utusang magpanggap bilang tagapagmana ng mga Armani. Agad din siyang nagpakuha ng uniporme ng kanilang katulong para iyon ang kaniyang isuot. Nais niyang ipakita sa kaniyang lolo ang tunay na kulay ni Divina Walton. At hindi nga siya nabigo.

"Senyorita Armani, ikinagagalak kong makilala ka ngayong gabi. Nais kong sabihin sa'yo na ginawang katatawanan ng babaeng ito ang iyong party. Isa siyang walang kwen–"

"Mrs. Walton, as far as I can remember, ikaw ang sumira sa party ko. First, you chose to reveal yourself as Mr. Hamilton's mistress in my place. Second, you proudly showed everyone how rude you are. Aren't you going to apologize to my employee?" Hindi mapigilan ni Mariz ang kaniyang sarili na kampihan si Arya, hindi dahil amo niya ito kung hindi dahil malaki ang respeto niya sa mga katulong. Sa loob ng sampung taong pagtatrabaho sa mga Armani, hindi niya kailanman nakitang nagmalupit si Don Fridman sa mga tauhan niya.

"Senyorita, mukhang hindi naging malinaw sa'yo ang nangyari. Tinapunan niya ng red wine ang mamahalin at limited edition kong sapatos! Kahit sinong elitista na ginawan ng ganito ay magagalit! Hindi ba?" Lumingon siya sa mga kapwa niya elite. Ngumiti siya nang sumang-ayon ang mga ito sa kaniya. Agad ding napawi ang ngiti niya nang makita niyang pinunasan ni Mariz ng panyo nito ang basang uniporme ni Arya.

"Mrs. Walton, kung hindi ka hihingi ng sorry kay Arya ngayon, hindi ko na itutuloy ang business meeting ko bukas sa anak mong si Damon," seryosong sambit ni Mariz.

Tumaas ang kilay ni Divina. Hindi niya gustong humingi ng tawad kay Arya pero hindi rin naman siya papayag na mawala pa ang malaking oportunidad sa kanilang pamilya! Naalala na naman niya ang pitong taong pagtanggi ni Don Fridman sa kaniya. Ikinuyom niya ang kaniyang mga kamay. Labag man sa loob ay humingi siya ng tawad kay Arya.

"I…I'm s-sorry, Arya," Divina Walton murmured.

"Hindi ko marinig," nagpipigil sa tawang sambit ni Arya.

'Bítch!' Divina thought. "I'm sorry," she quickly said.

"Masyadong mabilis. Hindi ko naintindihan." Tuwang-tuwa si Arya habang pinapanood niya ang inis na inis na pagmumukha ni Divina.

"Senyorita, nasabi ko na ang dapat kong sabihin. Hindi ko na 'yon, uulitin pa," iritang wika ni Divina.

"Senyorita Mariz, hindi ko po talaga narinig. Hindi ko po naintindihan ang sinabi niya." Kumindat si Arya kay Mariz.

"Mrs. Walton, say it again. Remember, your company's future is in your hands." Mariz crossed her arms. She's laughing loudly in her head.

"Kasalanan ko bang bingi ang katulong niyo?" Kinuha ni Divina ang kaniyang pamaypay at hinanginan ang sarili. Nag-iinit na siya sa sitwasyon. Kanina pa niyang gustong sabunutan at ingudngod si Arya!

"Anong sabi mo, Mrs. Walton?" Tumaas ang mga kilay ni Mariz.

"I'M SORRY, ARYA! I'M SORRY! IS IT ENOUGH? OKAY NA HA? OKAY NA?" Pulang-pula na ang mukha ni Divina. Kaunting segundo na lang at sasabog na siya!

"Sino ang nang-aaway sa paborito kong katulong?" nakangiting tanong ni Don Fridman. Nakisakay na siya sa pagpapanggap ng kaniyang kaisa-isang apo.

'Paboritong katulong? Isang araw pa lamang buhat nang umalis si Arya sa mansyon ng anak ko ah,' isip-isip ni Divina.

"Divina Walton, it's nice to see you here." Inakbayan ni Don Fridman si Arya. "This woman kept on insisting to give your family a chance. Siya ang nag-convince sa amin ng aking apo na i-consider ang business proposal niyo. She's your daughter-in-law, right? You're lucky to have her. Matalino siya at mapagpakumbaba. That's why I am appointing her as the General Manager of the Armani Group. She passed the test that I gave her so…congratulations, hija!" Niyakap ni Don Fridman si Arya.

"Congratulations, Arya. You deserve it," Mariz said with a wide smile.

Kumunot ang noo ni Arya. 'Daddylo, anong pina-plano mo?'

Natumba si Divina sa kaniyang kinatatayuan. Hindi niya matanggap na mula sa pagiging katulong ay agad na umakyat ang ranggo ni Arya bilang General Manager pa! Sumakit na agad ang ulo niya. Alam niyang haharangin nito ang anumang business transactions nila sa mga Armani.

Samantala, tulalang pinagmamasdan ni Damon ang kaniyang dating asawa. Hindi na siya nagtataka kung bakit nito ibinalik ang mga perang ibinibigay niya rito. Ang magkapatid na Villanueva ay tunay ngang nagtatrabaho na sa mga Armani! Bumalik ang wisyo niya nang tumunog ang cell phone niya.

{"I can't make it tomorrow, Mr. Walton, but our general manager is available. Present your proposal to her. If she approves it, I will gladly invest in your company. Good luck! Regards, Mariz Armani."}

Nilingon ni Damon si Mariz. Kumaway ito sa kaniya. Nginitian niya ito at kinawayan pabalik. Ang inipon niyang lakas ng loob at pag-asa ay unti-unting nawawala. Paano niya ku-kumbinsihin ang kaniyang dating asawa na aprubahan ang business proposal niya? Alam niyang galit na galit ito sa kaniya dahil sa ginawa nila rito.