Chapter 19- Why are you crying?

Dinala si Pan sa hospital, at si Jake pati na ang mga kasamahan niya ay dinampot ng mga pulis. Basag ang mukha ng lahat dahil sa ginawa ni Juancho sa kanila. At si Juancho naman ay bagama't duguan, hindi siya nagpagamot.

Nasa tabi lang siya ni Pan at binantayan ito hanggang sa magising.

Dali dali namang pumasok si Bobby at Josh. Kapwa ang dalawa ay kinakabahan at klaro iyon sa mukha nila.

"Oh God, Paaaan!" Agad na pinuntahan ng dalawa si Pan na ngayon ay nasa hospital bed at wala pa ring malay.

She has no injuries. Hintayin lang na mawala ang epekto ng droga na ininom niya.

Tumingin si Bobby kay Juancho, at galit na galit siyang tinignan ni Juancho.

"Partner kayo diba? The next time may gagawin ka, cancel the client. Hindi yung siya lang ang ipapadala mo sa lokasyon no'ng kliyente."

Hindi nakapagsalita si Bobby. Napayuko siya at umiyak sa harapan. Si Josh naman ay nilapitan ang girlfriend niya.

"Walang kasalanan si Bobby dito. Hindi niya ginusto ang nangyari, Juancho."