Chapter 12

Sandra's POV

HINDI ko sinasadyang tumayo sa labas ng pinto ng silid ni Lucas habang nakikinig sa usapan nila ng babaeng si Trina. Nais kong malaman ang kanilang usapan dahil hindi ko maintindihan ang bagay na nararamdaman ng aking puso.

Nang marinig ko ang sinabi kanina ni Trina, nagsimulang kumirot ang bagay na nasa loob ng aking dibdib. Akala ko noon ay isa lang siyang espesyal na kaibigan para kay Lucas base sa kanilang litrato, ngunit nagkamali ako, siya pala ay fiancé ni Lucas.

Nagsimulang bumagsak ang aking balikat dahil sa nadarama ko.

'Ano naman ang laban ko sa isang fiancé?'

"Ilang buwan kang nawala, tapos ngayon ka lang ulit magpapakita? Anong kailangan mo, Trina?" saad ni Lucas.

Sa mga oras na iyon, nakita ko ang maliit na siwang sa pinto. Lumingon muna ako sa kaliwa at kanan upang masigurado na walang nakatingin sa akin. Sinimulan kong sumilip sa pinto upang mas makita nang maayos ang dalawang ngayon ay nag-uusap sa loob.

"'Wag ka nang magalit, honey. May inasikaso lang ak