Chapter 16

Sandra's POV

KINAGABIHAN, ang inakala kong magiging maayos na buhay ay nagbago. Minulat ko ang aking mga mata nang makarinig ng ingay mula sa salas. Wala si Jennie sa aking tabi at alas-otso na rin ng gabi. Marahan akong umupo habang sinasapo ang malaki kong tiiyan, saka kunot-noong tumingin sa paligid.

"Nasaan si Jen? Alam ko sabay kaming natulog," wika ko sa hangin.

Nagkibit-balikat ako saka nilapat ang paa sa sahig. Tumayo ako at lumabas ng kuwarto dahil nakaramdam ako ng pagkauhaw.

"Sino po sila?"

Kumunot ang aking noo nang marinig si lolo na nag-uusap at binuksan ang pinto ng bahay. Nanlaki ang aking mga mata nang makita ang mga tao ni Lucas sa pagbukas ng pinto

"Napag-alaman po namin na nandito raw si Ms. Sandra Montes."

"H-Ha?"

"Nandito kami para sunduin siya."

Tila binuhusan ng malamig na tubig ang aking katawan at ang aking mga paa ay nanigas sa kinatatayuan ko. Kahit isang hakbang ay hindi ko magawa kaya nanatili akong nandoon at nakatayo.

Maya-maya lang, bahagyang sumilip