Chapter 23

Sandra's POV

SA PAG-UWI namin ni Levi sa bahay, naabutan namin doon sina nanay at tatay. Napangiti ako dahil nababakas ang tuwa sa kanilang mukha, tila maganda ang kinalabasan ng kanilang pinuntahan. Nakatutuwa lang na nakapag-enjoy sila kahit paano.

"Pakipasok si Levi sa kwarto," utos ko sa kasambahay at binuhat niya si Levi na nasa aking braso. Nakatulog na rin kasi ito dahil sa sobrang pagod.

"Nay, tay, kumusta po ang lakad nyo?" tanong ko saka lumakad palapit sa kanilang kinaroroonan at umupo sa sofa kung saan sila nakaupo.

"Naku! Anak, kung alam mo lang. Ang daming naghahanap sa 'yo roon, pero pilit naming binabago ang usapan. Alam naman kasi namin ng tatay mo na hindi namin pwedeng sabihin na kasama ka pa namin, kaya ayon, kung minsan, eh, nililihis talaga namin ang usapan," pagkuwento ni nanay.

"Ganoon po ba? Hindi pa rin pala ako nakakalimutan ng mga kapit-bahay natin na 'yon."

"Oo naman. Pero kailan ka nga ba talaga magpapakita ulit sa kanila? Kailan ba tayo makakabalik sa da