Chapter 31

Sandra's POV

MABAGAL at romantiko ang musikang maririnig sa paligid. Ang mga tao ay tahimik na nagkukuwentuhan hindi tulad sa ibang restaurant. May mga magkasintahan sa paligid na pinakikita ang pagmamahal sa isa't isa at ngayon, heto kami ni Gab, nakaupo sa harapan ng lalaking si Lucas sa loob ng restaurant upang kausapin tungkol daw sa business meeting niya.

Akala ko ay si Gab lang ang nais niyang maka-meeting ngunit inihabol pa niya ang aking pangalan sa usapan nila sa telepono. Ano nga ba ang magagawa ko kung hindi ang pumayag.

"Mabuti naman at pinaunlakan nyo ang imbitasyon ko na maka-meeting kayo," pagbasag ni Lucas sa katahimikang namamagitan sa aming tatlo.

"Bakit sa dami ng lugar, dito mo pa napili? Maluwag ang conference room namin, Lucas. Hindi naman kailangang mag-meeting pa tayo sa labas," saad ni Gab.

Sandaling tumama ang tingin sa akin ni Lucas. Tumaas naman ang kilay ko dahil sa kanyang ginawa, saka siya muling bumaling ng tingin kay Gab.

"I just want this to be a frie