Chapter 26

Sandra's POV

NAPAKO ang aking mga mata sa harap ng screen ng aking laptop. Kunot at noong binasa ko ang email na natanggap ko mula sa office ni Lucas Montenegro. Ilang maririing lunok na rin ang aking nagawa sabay sa mabilis na tibok ng aking puso.

Tila napansin naman ni Gab na nababagabag ang aking hitsura, dahilan upang siya ay mag-alala sa akin.

"Bakit, Sandy? May problema ba? Kanina ka pa tulala," tanong ni Gab.

Marahan siyang tumayo ay lumapit sa aking tabi, saka siya sumilip sa laptop. Nakita ko kung paano manlaki ang kanyang mga mata nang makita niya ang bagay na binabasa ko.

"Gustong makipag meeting sa 'yo ni Lucas?" gulat na wika ni Gab.

"Oo. Sigurado kong sinabi na sa kanya ni Mico ang lahat," tugon ko saka huminga nang malalim.

Ang totoo, inaasahan ko naman na mangyayari ito. Alam kong sa oras na makita ako ni Mico, agad niya itong ipagbibigay-alam kay Lucas, isang bagay na matagal ko nang pinaghahandaan. Sa ngayon, wala akong ibang dapat gawin kung hindi tatagan ang aking