Chapter 14

Sandra's POV

TUMAYO ako nang tuwid habang nanginginig ang katawan. Dahan-dahan akong humarap sa taong nasa aking likuran at nanlaki ang mga mata nang mapagtanto kung sino siya.

"M-Mang Ben," pagtawag ko sa pangalan ng mayordomo ng mansion.

"Saan kayo pupunta, Ms. Sandra? Bakit dala mo ang iyong maleta?" muli niyang tanong.

Nagsimulang gumapang ang luha sa aking pisngi nang mapagtantong maaaring hindi na ako makaalis sa lugar na ito dahil naaktuhan niya ako. Ayokong tanggapin na dito na matatapos ang aking buhay.

"M-Mang Ben, ayoko nang magsinungaling pa. Pwede bang hayaan mo na lang akong makaalis sa lugar na ito? Ayoko nang manatili rito."

"Pero bakit, Ms. Sandra? Maayos naman kayo ni Sir Lucas at malaki ang pinagbago niya dahil sa 'yo," aniya. Lumakad siya palapit sa akin at hinawakan ang aking balikat. "Ngayon ko lang nakitang ngumiti si Sir Lucas, kung aalis ka, siguradong babalik siya sa dati," muli niyang wika.

Marahan kong tinanggal ang kamay ni Mang Ben sa aking balikat. Hindi