CHAPTER 130: That's the Promise 

GANOON NA LAMANG ang pagtataka ni King nang hindi pumasok ng opisina si Liberty. Sa pagkakataong iyon, hindi na katulad ng una ang pag-alala niya ngunit mas lumalakas ang kutob niya na may kinalaman doon ang kanyang pamangkin. Ito lamang ang nag-iisang dahilang nakikita niya kaya walang muli ang babae sa kanilang opisina sa isa sa mga importanteng meeting nila.

Kahit na ganoon ang laman ng kanyang isipan, hindi siya sa nagdalawang-isip na tapusin ang meeting. Kailangan niya pa ring i-prayoridad ang kumpanya bago ang mga pansariling interes niya.

Nang matapos ang meeting, tinawagan niyang muli si Liberty ngunit cannot be reached ang cellphone nito. Doon na siya tuluyang nagdesisyon na puntahan na ito sa bahay ng pamangkin.

Malayo pa man sa daan, makikita na ang galit na labis niyang pinipigil. Kahit si James na nagda-drive ng kotse ay napapalingon sa kanyang direksyon nang may pag-aalala.

“Matagal mong inipon ang mga iyan, sigurado ka na sasabihin mo ng ganoon-ganoon lang?” diskumpyad