CHAPTER 115: She Saved Him

“PATI BA NAMAN pag-uwi ko kailangang bantayan mo pa,” puna ni Liberty nang makapasok sa bahay ni Duncan.

Masyado ng sira ang buong araw niya para dagdagan pa ng asawa. Tama na ang mga kamalasang nangyayari sa kanya para makisali pa ito sa init ng ulo niya.

“Tinatanong lang kita kung saan ka galing—”

“But the way you are asking?” ganoon na lamang ang kanyang pag-iling. “I’m not even your prisoner na kailangan mong bantayan bente-kwatro oras, Duncan.”

“Magsisimula na naman ba tayo sa pag-aaway?”

“Sino ba ang parating nagsisimula?”

Heto na naman ang nagmamalaking pagngisi ni Duncan. Alam niyang pagsisimulan na naman iyon ng away kaya ang plano niya’y magtuloy-tuloy na pagpunta ng kanyang kwarto. Ngunit natigilan siya nang magsalitang muli si Duncan.

“Sa tingin mo, hindi ko alam kung bakit ka narito?”

Dahil sa sinabi ng asawa, nabato si Liberty sa kinatatayuan habang akma ang pag-akyat niya ng hagdan. Nang mga sandaling iyon din ay ganoon na lamang ang matinding pagkabog ng kanyang dibdib