CHAPTER 118: It’s Reverse Now

HALOS MAGDAMAG NA pinag-isipin ni King ang sinabi ng kanyang pamangkin. Baon niya rin ang alalahaning iyon hanggang sa makapasok sa kompanya. Sa dami ng mga dapat niyang ayusin, ang problema pa kay Liberty ang mas nangingibabaw sa kanya.

Hindi niya maiwasang huwag ikuyom ang kanyang kamao dahil kahit pagbali-baliktarin niya man ang rason na ibibigay niya, maaaring isang araw, siya nga ang maging dahilan ng pagkapahamak ni Liberty.

Ngunit anong magagawa niya? Hindi na lang sapat sa kanya na tanawin lang ito sa malayo. Kahit pa ang makausap ito sa maliliit na tiyansa at pagkakataon ay kulang narin. Naghangad pa siya nang higit doon nang malaman niyang nagtataksil ang kanyang pamangkin sa babaeng nagugustuhan. Higit din na nagyabong ang pagkagusto niya rito nang iligtas nito ang kanyang ina. Nakita niya ang kabutihan nito na naging dahilan upang buksan niya nang paunti-unti ang sarili sa babae.

Hindi niya naman akalain na ang simpleng pagbubukas niya ng pinto ang magiging dahilan ng pagk