CHAPTER 119: His White T-Shirt

ILANG ARAW NA rin ang nakalipas kaya hindi na masyadong iniinda ni Liberty ang kanyang tagiliran. Sa mga araw na dumaan, wala yatang pagkakataon na naging tahimik ang kanyang pagpapahinga dahil sa away ng dalawang Salvantez.

Ang kagandahan lamang, kapag si King ang nagbabantay sa kanya, maghapon na tahimik ang kwartong iyon. Hindi katulad ng kanyang asawa na tila ba bitamina ang pakikipagtalo sa kanya. Mahilig ito na mang-akusa sa kanya ng mga nangyayaring kamalasan sa kompanya kaya lalong nagpapatong-patong ang galit na nararamdaman niya rito.

Pagkatapos ng trabaho nito, hindi malabo na narito na naman ito at kung ano ang ibibintang sa kanya. Ang pagkakataon lang naman na hindi nagtutungo roon si Duncan ay kapag abala ito sa kabit na walang ginawa kung hindi ang mag-inarte sa magaling niyang asawa.

Nang hapong iyon, pumasok na naman ito sa silid niya sa hospital na mainit ang ulo. Ini-lock pa nito ang pinto upang walang makarinig sa pagtatalo nila.

Dahil nasanay na at hindi hindi na