“KING, HINDI MO naman ako kailangang dalhan parati ng pagkain,” nahihiya niyang sambit sa binata. “Lagi na lang kitang naabala.”Iyon ang unang lumabas sa bibig niya upang itago ang pagkapahiya rito nang mahuli siyang tinititigan ang binata kanina.“I have a lot of time to burn just only for you,” sambit nito habang ang tingin ay nasa dokumentong binabasa.Iyon ang labis niyang ipinagpapasalamat dahil kung hindi ay baka mahuli naman siya nito na titig na titig dito. At sa pagkakataong iyon ay maaaring makita nito na namumula na ang pisngi dahil sa mga binitawang salita ng binata na naging dahilan din ng mabilis na pagtibok ng kanyang puso.Kaysa ang mga mata niya ang mabusog sa matagal na pagtitig dito, pinili niyang ituon ang atensyon sa kanyang pagkain. Alam niyang masarap magluto ang binata ngunit may pagkakataon na humahanga siya sa mga ginagawa nitong luto na kahit wala siyang gana ay napapakain siya nang marami.“Saan ka natutong magluto, King?” “Sa ibang bansa. I need to be in
NANLALAKI ANG MGA mga mata ni Victoria dahil sa kanyang nalaman. Natutop niya ang bibig upang hindi makagawa ng ingay makatakas lang kaagad sa mga ito. Ang magaling niyang manugang, nakuha pang lumandi! Sa dinami-rami ng gusto nitong patulan, napili pa ang isa ring Salvantez na siguradong makakatulong sa pag-angat nito sa buhay.Dahil sa matinding pagkagulat niya kanina sa mga nalaman, nasagi pa ni Victoria ang mini table na makikita sa pagpasok ng kwarto ni Liberty sa hospital. Mabuti na lamang, nagbago rin ang isip niya na huwag ng komprontahin ang mga ito. Ayaw niyang makaharap doon ang bunsong Salvantez. Hindi si King ang uri ng kalaban na madaling magpatalo sa oras na makanti ito. Sa galing nitong maglaro ng mga alas na nakalatag sa lamesa, hindi siya maaaring sugod lang nang sugod. Kailangan niya munang makausap ang anak niya!“Who is it?” tanong ni King na papatungo sa kanyang direksyon.Iyon na yata ang pinakamamabilis na kilos na nagawa niya sa buong buhay matapos na tumakbo
ILANG ARAW NA naging tahimik at payapa si Liberty sa loob ng hospital nang walang kahit na sino ang dumadalaw sa kanya sa mga Salvantez. Kaysa sayangin din ang oras niya ay doon niya ginagawa ang ibang trabaho na hindi naman kailangan ng matinding lakas upang hindi siya matambakan ng gagawin kapag nakabalik sa kompanya. Si Jenna na rin ang pumupunta sa kanya kapag may mga kailangan itong papeles at coding na dapat niyang tingnan.Habang naroon din ay mas naging tutok sila ni Detective Martin sa mga dapat nilang malaman sa kaso ng kapatid. Habang tumatagal ang kanilang pag-iimbestiga, mas dumarami ang mga ebidensyang kanilang nakikita. Ang mga iyon ay nagpapatunay na hindi nga talaga aksidente ang nangyari sa kapatid niyang si Lenard sa loob ng kompanya ng mga Salvantez.Ganoon nang ganoon ang ginagawa niya sa loob ng hospital hanggang sa makalipas ng isang araw bago ang discharge niya. Nilagyan lamang ng benda ang tagiliran niya saka naaprubahan ang discharge slip niya. Nang makalabas
HINDI NA NAG-AKSAYA pa ng panahon si Liberty. Pagkatapos ng pagpunta nila sa sikretong lugar ng kapatid kasama ang detective ay dumiretso naman siya sa presinto. Habang tumatagal ang pag-iimbestiga nila at marami siyang nalalaman ay mas tumitindi rin ang desperasyon niya na malaman ang totoo sa nangyari kay Lenard.Ipinapangako niya na hindi siya titigil hangga’t hindi niya napagbabayad ang mga dapat magbayad sa oras na malaman ang totoo. Naging mahina man siya sa sarili, iyon ang hindi niya gagawin para sa kapatid. Igugugol niya ang oras sa paghahanap ng mga dapat magbayad sa nangyari dito.Dahil sa desperasyon na nararamdaman niya, hindi siya nagdalawang-isip na balikan si Miss Rodriguez. Wala pa rin siyang kasiguraduhan na ang mga sinasabi nito ay totoo ngunit makikinig pa rin siya. Malaking parte sa impormasyon na mga nalaman niya ang pagsasabi sa kanya ng bakas mula sa trahedya upang mabuksan ang nangyari sa kapatid.Ngayong kaharap na niya na ito, wala pa rin pinagbago sa tingin
BUO NA ANG DESISYON ni Duncan. Kahit ayaw ng asawa niya, plano niyang ayusin na ang relasyon nila ni Liberty. Hindi na siya magdadalawang-isip na bitawan si Merideth para sa kanyang mga plano. Sa ganoong paraan niya lamang matutupad ang mga pangarap niya. Si Liberty lamang ang makatutulong sa kanya na manatili sa itaas, hindi ang kahit na sinong babae. Kahit pa ang ina ng magiging anak niya.Kapag naayos niya na ang problemang iyon, at nakapanganak ang babae, puputulin niya na ang lahat ng komunikasyon dito. Bago ang lahat, sisiguraduhin niya munang sa kanila mapupunta ang anak niya kahit na ayaw ni Liberty na mag-alaga ng bata mula sa kanyang pagkakasala. Alam niya naman na anu’t anuman ang mangyari ay hindi siya nito matitiis. Sa kabila ng mga pagsusungit ng asawa, sigurado siya na mahal na mahal pa rin siya nito at hindi iyon magbabago kahit ilang pagkakasala pa ang gawin niya. Ang kailangan niya lamang gawin ay humingi rito ng tawad. Sa huli, magiging isang masayang pamilya pa ri
KAILANGANG MATUTUNAN NI Liberty na mawalan ng pakialam. Kase kung lahat ng bagay na magbibigay sa kanya ng problema at pasakit ay iindahin niya, maaaring ngayon ay mawalan na siya ng pakialam sa buhay niya at tuluyan ng sumuko. Iyon ang nasa isipan niya habang may kausap sa cellphone.Ganoon na lamang ang pag-iling niya nang sermonan siya ng Ate Leslie niya sa cellphone. Pinagalitan siya nito at sinisi sa pambabae ng asawa niya. Kung may ginawa raw siya ay maaaring hindi ito naghanap ng iba at nanatili sa kanyang tabi.Nang mga sandaling iyon ay nangangati na ang dila niya na sagutin ito ngunit pinipigilan niya pa rin ang sarili dahil masisira na naman ang araw niya. Isa pa napakaespesal niyon para lamang ilaan ang atensyon sa kanyang kapatid.Nabaling naman ang tingin ni Liberty sa kanyang asawa.“Nahuli raw kayo ni ate, magkasama ni Merideth.” Umiling siya. “Sa susunod, kung gusto mong magmukhang mabait sa harap ng iba, galingan mong magtago. Bakit naman kase pati pakikipaglingkisan
“HOY!” MALAKAS NA nahampas ni Charles ang balikat niya.Ganoon na lamang tuloy ang masamang tingin ni King dito dahil nahinto siya sa malalim na pag-iisip.“Chill lang! Lalim ng iniisip niyan ah! Hulaan ko, si Liberty ulit?”Heto na naman ang masamang titig na ipinukol niya sa kaibigan.“Sabi ko na nga ba! Sa sama pa lang ng pagtingin mo sa akin, alam ko nang tama ako.” Umiling-iling ito. “Ewan ko ba sa ‘yo, King. Ang tapang-tapang mo at matalino rin pero sa babae tiklop naman. Hindi mo ako gayahin—”“Can I tell that to Ruffa?” tanong niya rito na naging dahilan ng paglaki ng mga mata ni Charles.“Hindi naman ito mabiro!”Ganoon na lamang ang pag-iling niya. Problemado na nga siya ngunit heto pa ang inaabot niya rito.“Alam mo, madali lang naman kase ang solusyon sa problema niyo, hindi ko lang alam kung ano pa ang kinatatakot niyo,” sabi nito at umupo sa kanyang tabi. “Hindi mo kailangang intindihin ang bawat kataga na lumalabas sa kanya, ang kilos niya ang pakatingnan mo.”Lalo siya
NAPAKASAYA NG PUSO ni Liberty. Kahit tapos na ang kaarawan niya’y hindi niya akalain na may surpresa pang nakahanda sa kanya pagkatapos ng mga hindi magandang nangyari sa kanya. Tanggap niya na kanina na ganoon kasimple na lamang lilipas ang araw niya ngunit iba pa rin pala sa pakiramdam kapag may taong nakakaalala sa mahalagang araw ng kanyang buhay.Nang surpresahin siya ng mommy ni King at ng binata, hindi niya maiwasang huwag isipin na espesyal din pala siya. Na may tao pang magbibigay sa kanya ng importanteng oras ng mga ito sa kabila ng pagiging abala ng mga ito sa buhay.“L-lahat po ng ito ay kayo ang nagluto, Tita?” gulat niyang tanong sa mama ni King.Natawa naman ito matapos siyang yakapin upang batiin.“Hindi. Syempre iyang iba riyan ay ipina-deliver ko lang. Pero kung maaga ko sanang nalaman na kaarawan mo pala ay baka hindi lang iyan ang naihanda ko. Pasensya ka na, Hija—”“Maraming salamat po, Tita!” mahigpit niyang nayakap ang ginang habang hindi maitago ang ngiti niya r