CHAPTER 114: Push Him Back

MAKIKITA SA MATINDING pamumula ni Liberty ang inis na hindi niya na mapigilan sa lasing na nasa kanyang harapan. Marami na siyang iniisip pero dumagdag pa ang pambabastos nito sa dapat niyang bigyang pansin.

Dahil ang atensyon ng mga nasa loob ng club ay nasa kanilang mga kausap, walang nakapansin sa gulong ibinibigay nito na naging dahil upang tumagal pa ang kanilang argyumento.

“Iyang alak, sa tiyan mo ilagay, huwag sa ulo!” napipikon niyang sambit dito. “Kung tapos ka ng umubos ng pasensya ko, padaanin mo na ako—”

“Walanghiyang babaeng ‘to!” galit na sambit ng lalaki. “Sinampal mo ako?” hindi nito makapaniwalang tanong.

Natawa si Liberty. “Hindi ba parang masyado ng huli iyang reaksyon mo? Tumabi-tabi ka sa dinaraanan ko—”

“Ang dapat sa mga katulad mong babae ka ay nagtatanda!” mas nagalit ito habang pilit siyang hinihila paalis sa lugar na iyon.

Matindi ang naging pagpupumiglas ni Liberty ngunit dahil mas malakas ang lalaki ay natatangay pa rin siya nito. Dahil rin sa paghila niya