Chapter 8

Kinabukasan, tanghali na siyang nagising dahil hindi siya pinatulog kakaisip sa anak ni Mayor Sergio. Bakit kasi sa dami ng puwedeng makilala ang ganoong klase pa ng lalaki ang nakaharap niya.

Inayos niya ang higaan bago bumaba. Sumulyap siya sa kwarto ng Tiyang Alice niya. Wala na ito roon at sigurado siyang nagtitinda na ito ng isda.

Tahimik siyang bumaba. Tumingin siya sa orasan. Pasado alas-onse na ng umaga.

Nagulat siya. Ganoon ba kahaba ang naitulog niya? Bakit? Dahil ba napagod siya sa event kahapon?

Napailing siya. Pagbaba niya ay may niluto ng pagkain ang tiyang niya. Umupo siya sa mesa at nagsimulang kumain.

Bigla na naman niyang naisip ang nangyari kahapon. Pilit niyang iwinaksi iyon sa isip at nag-concentrate sa kaniyang pagkain.

“Utang na loob, lubayan mo na ako!” bulong niya sabay higop ng kape .

“My Queen Isabella, ang pinagpala sa lahat ng babae!” bungad ng kaibigan niyang siy Carl sa bintana. Naibuga niya ang iniinom na kape sa gulat.

“Ano ba! Bakit bigla-bigla ka n