Chapter 31

“Isabella!” tawag sa kaniya ni Carl habang nasa canteen sila.

“Bakit?”

“Ako lang ba ang nakakapansin na hindi pa nadalaw sa iyo si Mayor Skye simula noong isang araw?” Dumampot ito ng isang piraso ng fries at mabilis na kinain. Sinundan nito iyon ng pag-inom ng sofdrinks.

Tahimik siyang dumampot fries at hindi sumagot.

“Si Lewin, balita ko hindi na nagpasa ng mga class cards sa registrar. May nasagap ako na mag-e-enroll siya sa ibang university. Sina Juliet naman, suspended mula pa noong isang linggo.”

Nilingon niya ang kaibigan. “Bakit kaya hindi pa tayo kinakausap?”

“Baka exempted na tayo.” Natawa ito sa sinabi at maarteng kumuha ulit ng fries. “ Balik tayo sa boyfriend mo, susunduin ka ba niya ngayon?”

Nagkibit siya ng mga balikat. “Hindi ko alam. Baka busy iyon. Hayaan na lang muna natin siya.”

“Kasi kung hindi, may pupuntahan tayo!” Tila kinilig pa ang kaibigan niya. “Mamayang gabi ang koronasyon ng Ginoo at Binibini ng bayang ito. Pangarap kong maging beauty queen pero kailangan