Chapter 17

First day of school, pagpasok nila ni Carl sa gate ay parang nakalutang siya sa saya habang nakahawak siya sa braso nito. Magkaklase sila ng kaibigan dahil pareho ang kanilang kursong kinuha.

Nang makarating sila sa loob ng classroom, nakita niya ang mga kaeskwela nila na kaniya-kaniyang kwentuhan habang wala pa ang professor nila. Silang dalawa ni Carl ay tahimik na nakaupo sa kabilang sulok at paminsan-minsan ay nagkakatinginan.

“Hey! Isabelle, right?” tanong ng isa sa tatlong babaeng pumasok. Ito ang babaeng nakilala niya noong unang dating niya sa dorm.

“Oo. Juliet, ’di ba?” nakangiting wika niya.

“Magklase pala tayo. Meet my two friends, Jenna at Lezlie,” masiglang wika nito. “Guys, meet, Isabelle.”

Nakita niyang tumikwas ang kilay ng mga ito. Pinamulagatan naman ito ng mata ni Juliet kaya napilitang makipagkamay sa kaniya.

“Masaya ako na makilala kayo. Kaibigan ko nga pala, si Carl.”

Muling tumaas kilay ng dalawa pwera kay Juliet.

“Saan mo ba nakilala ang mga iyan? Bakit mukhang