Chapter 20

Pagkatapos kumain kasama ang mga kaibigan ng binata, pumunta sila sa field kung nasaan ang golf area.

Habang kumukuha ng mga gamit ang mga ito, naiwan sa tabi niya si Irene at Diana.

“Isabella, iba din ang tama sa iyo ni Mayor,” ani Diana sa kaniya.

Mukhang mabait ang dalawa at mukhang magkakasundo agad sila.

“Oo nga! Mabuti naman at may seryoso na siyang babaeng iniharap sa atin. Kapag nagkakasayahang katulad nito, siya lang ang out of place lagi. Pero maraming gustong sumama sa kaniya,” nakangiting wika ni Irene.

Napakagat labi siya sa narinig.

“Ah—”

Hindi na niya iyon naituloy nang sumabat ang binata.

“Mukhang seryoso ang pinag-uusapan ninyo?” Nakangiti ito at iniabot sa kaniya ang hawak na golf clubs.

Tumawa lang ang dalawa at kinuha ang dala ng nobyo ng mga ito. Mukhang sanay na sanay ang mga ito.

Lumingon siya sa binata.

“I’ll teach you how, come on,” wika nito.

Sabay-sabay silang pumwesto sa di kalayuan. Sa simula laging shot ang bola ng lima, tanging siya lang ang lagpas at u