Chapter 22

Hindi niya alintana ang sakit ng damdamin na lumukob sa kaniya nang oras na iyon dahil sa masayang kwentuhan ng dalawa sa harap niya.

“Where are they?” maya-maya pa ay narinig niyang tanong ng binata.

“At the car. They fix something.”

Hanggang nakita niya ang paglapit ng isang lalaki at sa tantiya niya ay apat na taong gulang na batang lalaki.

“Ninong Mayor!” Patakbong lumapit ang bata sa kanila.

“You’re so big na! Kailan ba tayo huling nakita? Parang may diaper ka pa noon,” tugon nito na binuhat ang bata.

Napakaamo ng mukha nito at kamukha ng lalaking palapit sa kanila.

“Pare, sorry, ngayon lang kami nakarating. May emergency call sa aircraft kaya kaninang umaga ko lang nasabi sa kaniya.”

Nakita niya ang pagsulyap nito sa katabi ng binata.

“Ayos lang iyon ang importante, nandito kayo ngayon dahil may mas malaki kang gampanan ngayong araw,” tugon ng binata.

“Ninong, who’s that beautiful girl?”

Bigla na lang siyang pinamulahan sa sinabi ng bata. Mas lalo na nang nagtawanan ang mga k