Chapter 27

Papasok na sila sa loob ng bahay nang maramdaman niya ang kamay ng binata sa beywang niya.

“Let’s celebrate tonight, babe.”

Maliwanag pa sa sikat ng buwan ang itsura ng mukha nito. Pero hindi pa rin siya sanay sa mga kilos nito.

“Magandang gabi po sa inyo! Siya na ba ang bisita mo, hijo?” masayang salubong ng isang babae na hindi naman katandaan. Sa palagay niya, nasa singkwenta lang ito.

“Opo, Manang Loida. Si Isabella nga po pala.”

“Naku, magandang bata nga, hijo! Pasok ka, hija. Saglit lang at aayusin ko lang ang mga pagkain.”

“Sige lang ho, take your time. Magpapalit lang ako ng damit,” wika nito saka bumaling sa kaniya. “You want to change your clothes? Baka sabihin nila itinakas kita sa school.” Nakalolokong ngumiti ito.

Umirap siya sa binata. “Wala akong dalang damit, kaya bilisan mo na!”

Umiling ito. “No, may mga dinala akong damit diyan galing sa outing natin last week. Come on. Use one of the rooms upstairs while our food is not yet ready.”

Nahiya siyang napatingin sa hindi