Chapter 24

Biglang napabangon si Isabella mula sa pagkakahiga nang maramdaman niya ang mabining haplos sa kaniyang pisngi. Iginala niya ang paningin sa paligid pero wala naman siyang nakita ni isang tao roon. Sumilip siya sa bintana, madilim na ang paligid.

Naalala niyang bigla ang usapan nila ng binata.

Bakit nga ba ang takaw niyang matulog? Sabagay napagod talaga siya na para bang ang sarap humilata sa mabango at preskong kama kanina.

Itinali niya ang buhok. Hindi na niya binuksan ang ilaw sa kwarto. Instead, lumabas na lang siya ngunit kadiliman pa rin ang sumalubong sa kaniya. Hinanap niya ang switch ng ilaw, pero hindi niya alam kung nasaan hanggang biglang bumukas iyon.

Isang nakangiting pigura ang sumalubong sa kaniya.

“Bakit ang hilig mo sa dilim?”

Kahit ramdam niya ang kaba kapag napapalapit dito, sinubukan niyang salubungin ang tingin nito.

Ang mga ngiti ng binata ang unti-unti lumusaw sa kaunting katinuan ng isip niya, kaya kinontra niya ang lahat ng sinasabi nito. Pero sadyang kaya