Chapter 25

MASARAP ang simoy ng hangin nang umagang iyon. May halimuyak na dala mula sa mga bulaklak. Ang sinag ng araw ay may kakaibang kislap. Parang nagkakaroon ng extra color ang sumusulpot na silahis sa silangan. Lumikha iyon ng tipak-tipak na bahaghari sa kawalan.

Muling sinipat ni Larabelle ang sarili sa harap ng salamin at hinaplos ang bilog na tiyan. In-adjust ang sukat ng damit pangkasal niya para magkasya sa tiyan niyang nasa pitong buwan na. Pero inaantok siya. Matutulog muna siya ng isang oras bago pumunta roon sa kapilya. Nagtungo siya sa kama at nahigang may ngiti sa labi.

Ngayon ang ikaanim na wedding monthsary nila ni Leon. Kasama sa vows ng asawa na kada buwan siya nitong papakasalan para raw masulit niya ang pagsusuot sa 18M na damit pangkasal.

Humagikgik siya at pinagmasdan ang suot na singsing. Nakaukit doon ang pangalan nilang dalawa na nakakadena sa isa't isa. Inabot niya ang cellphone at binuksan ang video noong pinaka-una nilang kasal. Masasabi niyang super-engrande i