Chapter 33

NAKA-SAMPUNG missed calls na si Louven kay Larissa, hindi pa rin siya sinasagot ng asawa. Ano na naman kaya ang problema? Halos mabaliw na naman siya sa pag-iisip. Nag-ri-ring ang phone nito, ibig sabihin, nakapasok ang tawag. Sadyang ayaw lang nitong sagutin o baka may pumipigil. Si Coin ba?

Hindi dapat niya iniwan sa bahay ng lalaking iyon si Larissa, kahit anak pa nito ang ipinagbubuntis ngayon ng babae. Siya naman ang kikilalaning tatay ng baby. Wala nang karapatan pa si Coin sa kahit ano'ng bahagi ng katawan ng asawa niya lalo na ang kalayaan nito.

"Boss, nandito na tayo," pukaw ni Lloyd sa kaniya.

Inangat niya ang ulo mula sa pagkasasandal sa head rest ng upuan. Pumarada ang itim na Hatchback Mercedes-Benz at bumaba siya, kasunod ni Lloyd. Nilingon niya si Bruno at senenyasan na magpaiwan na roon sa sasakyan at magmasid sa paligid.

"Ayos na ba ang mga papeles nito?"

Iginala niya ang paningin sa kabubuan ng bahay na pinagmamasdan niya ngayon.

Naging abala siya nitong mga na