Chapter 36

NAKAUPO lamang sa kama si Larissa at pinapanood si Coin na nag-iimpake ng ilang gamit sa travelling bag. Mga gamit niya iyon. Alangan siyang magsalita dahil kanina pa tahimik ang binata. Hindi man lang ito nag-usisa kung saan siya galing. Para bang indikasyon iyon na ayaw man niya o hindi, sasama siya rito sa Spain.

"This should be enough. We will buy some stuff in Spain, 'yong mga kulang na gamit mo."

Halos mapaigtad siya. Finally, nagsalita rin ito. Nilunok niya ang bara sa lalamunan at inipon ang tapang sa dibdib.

"Coin, kasi-"

"Sasama ka sa akin, Larissa, that's final." Hindi man niya natapos ang gustong sabihin.

Sumimangot siya habang kinaladkad nito ang travelling bag patungo sa isang sulok.

"Pupuntahan ko lang ang mga magulang ko. Do not close the door, babalik ako. Dito ako matutulog. You can sleep ahead." He directed towards the door, leaving her a warning look.

"Dito ka matutulog?" bulalas niya.

"Wala akong gagawin sa iyo. Babantayan lang kita. Malingat lang ako saglit