Chapter 32

NAHIGA si Larissa matapos palitan ng pambahay ang wedding gown na suot niya. Hindi na siya binalikan ni Louven. Gusto niyang bumaba para alamin kung ano na ang nangyari. Pero kung nagkagulo roon baka lalo lang lumala 'pag nagpakita pa siya tapos wala naman siyang intention na magpakasal kay Coin.

Huminga siya nang malalim at niyakap ang malaking unan. Magsisinungaling na naman siya kay Coin para makalusot sa hindi niya pagsipot sa kasal. Hindi siya sigurado kung maniniwala pa ba sa kaniya ang lalaki. Ang ginawa niya ay below the belt na kung tutuusin, kahit pa walang ibang bisita, pinapahiya pa rin niya ito at ang pamilya nito.

Kabado siyang bumaling sa gawi ng pinto nang marinig ang pag-alma ng seradora. Hindi kita mula roon sa bed ang pintuan pero nasisilip niya mula sa reflection sa salamin. Bulto ni Coin ang pumasok.

He is wearing a charcoal wedding suit. Ang pogi nito pero banaag ang malamig na galit at lungkot sa mga mata.

Bumangon siya.

"Coin," sambit niyang kinukuyog ng ka