Chapter 27

KATULAD siya ng isang kasabihan. Takot sa tatlong bagay. Takot siya sa bagyo, takot siya sa dilim ng gabi kapag walang buwan, takot siya sa galit ng lalaking tahimik.

Habang gumagalaw ang oras, patindi nang patindi ang takot niya. Nauupos siya. Parang kandila na kinakain ng sariling apoy. Pakiramdam niya lahat ng taong tumitingin sa kaniya ay alam ang kaniyang sekreto. Akala niya puso lang niya ang kailangang magtago, emosyon lang niya ang kailangang ilihim.

"Tara na, ihahatid kita sa classroom mo," alok ni Coin nang hindi pa rin gumalaw si Larissa para bumaba ng sasakyan.

Umiling ang dalaga. Nilikom ang kaniyang purse at cellphone. "Huwag na, kaya kong pumunta roon mag-isa. Salamat ha." Inangat niya ang katawan mula sa upuan at umibis.

"Don't skip your snacks and your meal. Baka magpapagutom ka, not good for the baby," paalala ng lalaking nakaalalay sa kaniya.

Tumango siya kasabay ang buntong-hininga. Umiikot ang paligid. Nahihilo siya. Kumapit siya sa braso ni Coin, pumikit, tutop a