Chapter 29

PINIGA na lamang ni Louven ang cellphone matapos basahin ang text message ni Larissa. Nagpaalam itong hindi uuwi ng bahay. Hindi siya nag-reply. Balewala rin naman kahit sabihin niyang hindi siya papayag at kailangan nitong umuwi. Hindi rin susunod ang dalaga.

Hinagis niya ang phone sa kama at binuksan ang walk-in cabinet. Pumili ng susuutin. Night shift ang duty niya ngayon sa Vindex. Ang transactions ng mga client nila underground ay sa gabi kadalasan at sa kaniya na iyon ipinagkatiwala ni Leon.

V-neck white cotton shirt at dark gray na sweatshirt. Pantalon na itim sa ibaba at high-cut sneakers na may shades ng gray.

Niligpit niya ang buhok sa ilalim ng suot na bullcap. Dahil doon ay naging visible ang calligraphic tattoo sa likod ng kanan niyang tainga. Letrang L iyon, na may maliit na roses vine pababa sa kaniyang batok. Akala ng iba, pangalan niya ang L. Ang totoo, Larissa ang ibig sabihin niyon. Tulad ng roses na nababalot ng tinik, masarap pero masakit mahalin ang dalaga.

Is