Chapter 17

IBINAGSAK ni Leon ang likod sa sandalan ng swivel chair niya. Ka-re-report lang ni Harry sa kaniya na paakyat roon sa opisina si Lex. Binitawan niya muna ang sign pen at inayos ang mga papeles sa ibabaw ng kaniyang desk.

Ilang saglit pa at nag-notify na ang surveillance camera sa itaas ng pintuan. Bumukas iyon at pumasok si Harry. Halos tumilapon sa dingding ang secretary niya nang padabog itong hawiin ni Lex paalis sa daraanan.

"What do you want?" matigas niyang tanong at tumayo.

Madilim ang mukha ni Lex, nasa mga mata ang nag-aapoy na galit. Pero tulad nang madalas mangyari, wala pa rin itong sapat na tapang sa harapan niya.

"Why did you do that?" tiim-bagang nitong angil.

Bumaba ang titig niya sa nakakuyom nitong mga kamao.

"Sit down, Lex. Mag-usap tayo ng maayos." Itinuro niya ang couch. Walang siyang mapapala kung papatulan niya ang galit nito.

"Mag-usap ng maayos? You betrayed me, double crosser! Pinalalayo mo ako para makuha mo siya! At ngayon, ayaw mo pa akong papasukin s