Chapter 19

WALA si Larry sa suite nito nang dumating sila, ang sabi ng isang nurse na babae nasa laboratory ang binata. Pwede naman daw sila pumunta at manoon mula sa VIP area. Hinatid sila roon ni Leon at ipinaalam nito kay Margarett na naroon sila. Lumabas ng lab ang doktora at pinuntahan sila.

"Two hours pa rito si Larry, doon na kayo maghintay sa suite niya, Dad, Lara," sabi ni Margarett.

Nasa elevated area sila. Enclosed ng makakapal na tempered glass walls at sa ibaba ay natatanaw nila ang buong looban ng laboratory. Kompleto sa makabagong mga makina na may kaugnayan sa kalusugan. Si Larry ay nasa single bed at napapaligiran ng vital machines kung saan nagmumula ang mga tubo na nakakabit dito. Tulog ang binata.

"Lara, doon na tayo maghintay sa suite," apura ni Senyor Agustus.

Tumango siya at humawak sa braso ng matanda. Nagpatangay rito palabas ng silid na iyon. Kasama nila si Margarett pero humiwalay ito pagdating sa labas at bumaba sa laboratory.

"Matagal na ba ang karamdaman ng kapat