Chapter 30

Summer’s Point of view

Katanghaliang tapat at tirik na tirik ang sikat ng araw. Patuloy akong naglalakad pauwi ng bahay habang bitbit sa kanang kamay ko ang ilang mga pinamili ko. Tagaktak na ang pawis ko dahil sa makapal na suot ko at matinding pagpipigil sa sarili ang ginawa ko upang huwag hubarin ang peke kong katawan. Ilang metro pa ang layo ng condo ni Hanz at pakiramdam ko ay dehydration na yata ang aabutin ko bago pa ako makarating ng bahay.

Magmula ng dalhin ako ni Hanz sa kanyang condo ay dito na kami namalagi at hindi na rin niya hinayaan na bumalik pa ako ng Villa. Kaya kahit papaano ay naging tahimik na ang buhay ko. Hindi katulad noon na lahat ng kilos ko ay bantay sarado at halos araw-araw ay tambak ang trabaho ko. Kahit na malinis na ang sahig ay ipapaulit pa sa akin ng aking biyenan ang paglalampaso nito. At syempre para makuha ko ang loob nito ay tahimik ko itong sinusunod, at ni minsan ay hindi ako nagreklamo.

Sa tingin ko ay hindi na yata darating ang araw na mat