Chapter 29

Summer’s Point of view

Walang pagsidlan ang labis na kasiyahan sa puso ko dahil sa wakas ay nagbago na ang pakikitungo sa akin ni Hanz. Hanggang ngayon ay hindi pa rin ako makapaniwala ng kausapin ako nito at makipag-ayos siya sa akin. Dahil sa ginawa nito ay nabuhayan ako ng loob, marahil ay ito na ang simula ng lahat sa amin hanggang sa dumating sa punto na tuluyan na niya akong matanggap.

Pagkagaling ko sa Villa ay kaagad na akong dumiretso sa trabaho ng aking asawa. Ipinagluto ko pa siya ng masarap na pananghalian. Sa totoo lang ay kinakabahan ako sa tuwing lumalapit siya sa akin dahil baka hindi ko na mapanindigan ang pagiging malamig ko sa kanya. Isa pa sa labis na pinangangambahan ko na baka isang araw ay magbago ang isip ni Hanz at muli niyang hilingin ang kanyang kalayaan.

Nangibabaw ang takot sa puso ko dahil sa isipin na ‘yun, sa maikling panahon na nakasama ko si Hanz kahit na hindi maganda ang trato nila sa akin ay minahal ko pa rin siya.

Nagising ang diwa ko ng hum