Kabanata 4

Kabanata 4

 Hot

Sa ilang araw kong pamamalagi sa bahay ng mga Monteverde ay nasanay na rin ang katawan ko sa trabaho at paglilinis ng bahay.

Kung tutuusin ay madali lang naman linisin ang mga silid. I yon nga lang sa dami ng mga silid sa bawat floor ay hindi ko maiwasang abutin minsan ng hapon para lang matapos ko ang lahat.

Gaya ngayong araw, alas tres na ng hapon ay hindi  pa rin ako nakakatapos sa paglilinis. Nalaman ko kasi na may mga bisitang parating mamayang gabi at isa na doon si Auntie Cecil kasama si Uncle Art at iba pang miyembro ng pamilya Monteverde at Castillo.

Kaya kahit pagod na ay pilit kong tinatapos ang trabaho upang nang sa gano'n ay hindi naman mapahiya sa Auntie sa pagpasok niya sa'kin dito.

"Chantal, hija tapos ka na ba d'yan sa ginagawa mo?"

Ilang katok mula kay Aling Betty ang pumukaw sa abala kong utak at kamay. Nasa isa sa mga guest room ako ng bahay at hinahanda ang silid na maaring tulugan ng mga bisita kung sakali.

"Patapos na ho, Aling Betty!" sagot ko habang pinapag-pag ang kobre kama.

"Pumarine ka na sa kusina kapag tapos mo d'yan at kailangan ko ng tiga hiwa. Nagdagdag ng putahe si madam!"

"Sige ho susunod na ako," sagot ko matapos tumayo mula sa pagkakayuko.

Ngumiti ako nang makita ang magandang resulta ng ginawa. Parang bigla ay gusto kong mahiga sa malambot na kamang iyon matapos ng maghabang trabaho. Lumabas na rin ako at dumiretso sa may kusina upang tulungan si Aling Betty sa pahluluto.

Halos lumuwa ang mga mata ko sa pagkain na nakahanda sa lamesa. May malalaking lobster at king crab akong nakita sa malaking bandehado at ilang sugpo pa na niluto sa tingin ko'y butter. Halos maglaway ako pagkat paborito ko ang hipon at sugpo at madalas ay ito ang ginagawa kong luto kapag maraming huli sina Dave sa probinsya.

Isa pang umagaw ng pansin ko ay ang turkey na nasa isa pang bandehado  na tila nilitson na sinamahan ng iba' ibang klaseng gulay na side dish.

"Ano pang tinatanga mo d'yan, halika dito at hiwain mo 'yang mga patatas at isasahog ko dito sa nilaga!" Pukaw sa'kin ni Aling Betty.

Mabilis naman  akong tumalima at mabilis na naghiwa. Pumasok si Melissa sa kusina upang isa-isa nang dalhin sa may living area ang nalutong pagkain ni Aling Betty.

"Kayo ho ba lahat ang nagluto nito?" mangha kong tanong.

"Syempre, magaling yata si Aling Betty kapag dating sa mga de kalidad na lutuin. Graduate yata 'yan ng culinary!"

Nanlaki ang mga mata ko sa kaniyang tinuran. "Talaga ho ba?"

Namilog na ang aking mga mata habang pinagmamasdan kung paano tumaas ang noo nito sa tinuran ni Melissa.

"Hindi mo ba alam?" Tuluyan nang lumapit sa'kin si Melissa.

"Na ano?"

Bubuka na sana ang mga labi ni Melissa nang bigla itong putulin ni Aling Betty. 

"Tama na 'yang tsimisan at parating na ang mga bisita!" 

Tinuloy ko na ang ginagawa at hindi na muling nagsalita pa. Baka mamaya kasi pare-pareho kaming malintikan kay  senyorita Yoona nito.

Mabuti ay nakaluto na kami bago magsidating ang ang bisita ng mag-asawa. Pansin kong apat na kotse ang pumarada sa tapat ng bahay at isa na doon ang kotse ng mag-asawa at nina Aunti Cecil at ang asawa nitong si Uncle Art.

Mabilis naman akong tumalima at tahimik na sumunod lang kay Aling Betty at sa mga utos na sasabihin n'ya kung sakali.

Binati nito ang mga bagong dating at laking gulat ko nang makipag-beso at yakap pa ang ilan sa mga ito kay Aling Betty.

Gayon din si Auntie Cecil sa ginang.

"Chantal ikaw na ba 'yan?"

Ngumiti ako nang bahagya nang harapin ni Auntie Cecil. Hahakbang na sana ako upang yakapin ito nang bigla ay umatras ito at gumawi naman sa asawang si Uncle Art na kanina pa kausap si senyorito Kendric. 

Dahan-dahan naman akong umatras at yumuko. Bigla ay tila nakaramdam ako ng hiya sa inakto ko at lihim na sumulyap kay Kendric. He looked at me over his shoulder with his dark feature. Pansin ko rin na umigting ang panga n'ya bago tumalikod sa amin.

"Psst, ano pang tinatanga mo jan? Halika ka na sa loob at tulungan mo akong dalhin ang iba pang ulam," bulong sa'kin ni Melissa.

Agad naman akong tumalima at sumunod dito sa loob ng kusina.

"Tita mo ba talaga 'yon? Parang hindi ka kilala kung ituring." 

Bahagya akong ngumiti sa tinurang iyon ni Melissa. Ang totoo ay wala naman kaso sa'kin ang bagay na 'yon. Una ay magkaiba na kami ng katayuan sa buhay. Ako ay hamak na kasambahay lamang habang siya ay isang business woman at nakapanagasawa pa ng multi millionaire.

"Gano'n lang talaga 'yon, saka hindi naman talaga ako close sa kanya, para dalawang beses ko pa lamang siyang nakakadaupang palad mula nang umuwi siya sa aming probinsya," wika ko.

"Kahit na, akala mo naman kung sino, para pinulot lang naman siya sa ate ng kalabaw. Kung hindi ko pa alam na nangatulong lang din siya noon." Tila gigil na gigil na bigkas ni Melissa sa'kin.

Sinawalang kibo ko na lamang ang kaniyang sinabi. Hanggat maari ay ayokong magbigay pa ng opinyon tungkol doon, pagkat utang ko sa kanyakung bakit ako napunta dito sa Maynila.

Bumalik ako sa dining area na baon ang maluwang na ngiti habang bitbit ko ang pitcher ng juice habang si Melissa ay ang tray naman ng mga baso.

Marahan kong sinalnan ang kanilang mga baso habang abala sa pakikipagkwentuhan.

"Kailan n'yo naman balak bumalik sa mansyon? Aba matagal na kayong hinihintay ng Don?" Marahan kong sinulyapan ang ginang na nagsalita katabi ni Kendric na siyang ngumiti sa katabi.

"Baka hindi na muna, marami pa kaming inaasikaso ni Rick sa mga business namin. Saka nakausap naman na n'ya si lolo at pumayag na mamalagi muna kami dito."

"Paano naman kayo niyan makakabuo kung puro trabaho ang inaatupag n'yo?  Aba'y ilan taon na rinn kayong kasal" wika ng babae na siyang nasa tabi ng isang may edad na lalaki.

Pansin kong malaki ang pagkakahawig ng may edad na lalaki kay Kendric. Maging sa tikas at tindig ay kuhang kuha ni Kendric.

"Dalawang taon pa lang po, mom," sagot ni Yoona.

"Kaya nga mas mabuting magpahinga ka muna sa trabaho para naman matutukan mo ang pagpapamilya,"  anang isang babae na katabi mismo ni Yoona.

"Mommy naman, alam mong kakabukas ko lang ng bagong clothing line." Tila nagmamatul nitong sinabi sa ina.

Sinulyapan ko ang sinasabi niyang Ina. Sa totoo lang ay malayong malayo ang itsura nito sa kanya ngunit hindi ko na 'yon binigyan ng pansin pa.

"H-hindi naman po kami nagmamadali." Si Kendric na ang nagsalita kaya't wala nang iba pa ang nagbukas ng ganoong topic sa lamesa.

Pansin ko rin na kanina pa hindi maipinta ni Kendrick ang mukha mula nang dumating ang mga bisita kaya dahan-dahan na rin akong humakbang palabas ng komedor upang bumalik sa kusina at baka ako naman ang pagdiskitahan n'ya.

"Naku, hindi bago ang topic na 'yan sa tuwing bibisita dito ang pamiya ni senyorita Yoona. Gustong gusto na kasi nilang mabuntis si senyorita. Alam mo na, hinahanbol nila ang mamanahanin ni senyorito Kendrick. Hay naku, ang mayayaman talaga." Umiikot ang mata ni Melissa habag sinasabi ang bagay na 'yon.

"Itigil mo nga 'yang tsismisan, mamaya may makarinig sa inyo at pare-pareho tayong malilintikan." Suway sa amin ni Aling Betty.

Agad na naman kaming naghiwalay ni Melissa at nagkanya-kanya na ng gawa. Sa tingin ko'y hindi naman na kami tatawagin ng mga 'yon kung sakali kaya't nagtungo na lang ako sa likod bahay upang simulan nang linisin ang pool.

Sa palagay ko kasi ay dito sila didiretso mamaya kapag tapos kumain upang magpahangin kaya't kahit gabi na ay nilinis ko parin ang swimming pool at nang matapos ay pinunasan ko naman ang ilang benches at lamesa na malapit doon.

Binuksan ko na rin ang ilang ilaw upang makita ang ganda ng lugar kahit na sa gabi. Isang maluwang na ngiti naman ang sumilay sa aking mga labi ng makarinig ako ng mga boses na na parating at mga nagtatawanan.

Agad akong tumayo mula sa pagkakaupo at mabilis na kumaripas ng takbo papasok sa aking silid. Abot-abot ang kaba ko nang maisarado ko ang pintuan habang mariin ang pagkakasandal sa likod ng pinto.

Bahagya lamang akong sumilip sa may bintana upang sinuhin ang mga naroon at napansin ko nga doon sina senyorita Yoona at ang mga magulang nito. Ngunit hindi ko napansin na kasama nila sina Auntie Cecil, ang asawa nito at si Kedric.

Kaya pinasya ko nang lumabas ng aking silid upang tulungan si Melissa sa pagliligpit ng mga pinagkainan nila.

Pansin kong tila seryoso ang pinag-uusapan ng mga ito sa may living area na siyang kausap si Aling Betty. Gustuhin ko man lumapit upang kamustahin si Auntie Cecil ay hindi ko magawa dahil na rin sa pinakita n'ya sa'kin kanina ay nahiya na akong lapitan siya.

Tinuloy ko na lamang ang ginagawa at nang matapos ay dumiretso na sa kusina upang ibigay kay Melissa ang mga hugasin. Doon naman pumasok si Aling Betty.

Pinanood ko itong gumawa ng kape habang seryoso ang mukha. 

Agad ko naman itong nilapitan upang tulungan sana. "Aling Betty tulungan ko na ho kayo, ako na ang magdadala n'yan sa mga bisita." Presinta ko.

"Ako na dito, dalhan mo na lamang sina senyorita ng yelo sa may bungalow at mga baso," anya sa'kin.

Agad naman akong tumalima at hinanap ang ice bucket na siya kong nakita sa isang cabinet, matapos ay humila na ako ng ilang rock glass sa may drawer at nag marcha na palabas ng likod bahay kasunod ni Aling Betty.

 Namataan ko sa may bungalow sina Kendric na kasama ang kaniyang Ama, si Uncle Art, at ang kaniyang byenan. Habang nasa may isang bilog na lamesa malapit sa may pool area naman nakapwesto sina senyorita Yoona, kasama ang kaniyang mommy, Auntie Cecil at maging ang mommy ni Kendric.

"Kung may kailangan pa ho kayo, tawagin n'yo lang ako," wika ko sa mahinang tinig habang dahan-dahan nilalapag ang mga dala sa lamesa.

"Ikaw naba si Chantal, ang anak nina Dahlia at Maurice?" bati sa'kin ni Uncle Art na siyang may maluwang na ngiti sa mga labi.

"Oho, uncle," I answered timidly.

"Hindi na ako magtataka kung bakit mo nagustuhan si Cecil, aba ang gaganda naman kasi ng  lahi," wika naman ng Ama ni Kendric.

Doon na ako tinamaang ng hiya,  paano'y halos lahat sila ay nakatingala sa'kin. Todo iwas naman ang mata ko sa gawi ni Kendric na siyang tila kanina pa madilim ang tinging pinupukol sa'kin.

"Mabuti naman at napapayag ka ng Auntie mo na pumarine sa Maynila?"

"Kailangan ko ho kasing pag-aralin ang mga kapatid kong naiwan sa probinsya at maging ang maintenance na gamot ni Itay."

"Balita koplano mo rin ituloy dito ang pag-aaral mo?"

Muli akong tumango dito. "Kapag ho nakaipon na ako ay dito ko na lang itutuloy ang pag-aaral, uncle."

"Kung gano'n ay pagbutihin mo. Kung sakaing kailanganin mo ng tulong ay huwag kang mahihiyang tawagin kamiii ng auntie mo," aniya.

Bubuka pa sana ang mga labi ko upang magsalita nang marinig ko ang boses ni Auntie Cecil mula sa aking likuran.

"Ngayon nandito na siya sa Maynila, sigurado naman ay hindi na ako mamaya't mayain ng nanay mo upang hingan ng pambili ng gamot ng tatay mo, aba hindi ba n'ya naisip na hindi namin pinupulot dito ang pera!"

Yumuko ako matapos 'yon marinig. Bakit kailangan pa niyang sabihin 'yon sa harap ng ibang tao at ipamukha sa amin na panay lang kami hingi.

"Pasensya na ho kayo, auntie. Hayaan n'yo dudoblihin ko ang sipag para ho hindi na kami maging pambigat pa sa inyo.

"Aba'y tama lang! Dahil hindi ko kayo kargo habang buhay!"

"Cecil, huwag mo naman pagalitan ang bata," ani Uncle Art.

Doon ko na narinig na tumikhim si Kendric. Malakas din niyang ibinaba ang baso ng alak sa lamesa bago ituon ang buong pansin sa'kin.

"Kung sa mga maliliit na bagay lang ay kaya ko nang akuin ang mga expenses ng kaniyang tatay para pambili ng gamot. May health insurance din akong ibibigay sa kaniya kung sakaling siya naman ang mangailangan,"  aniya na hindi pinuputol ang mga titig sa'kin.

Umawang naman ang mga labi ko sa narinig. Wala ito sa pinag-usapan namin na pwede kong matanggap kasama ng buwanan kong sweldo. Kung tutuusuin ay malaking bagay na ang pagtulong n'ya sa maintenance ng gamot ni Itay.

"S-salamat ho," hindi ko na napigilan pang sabihin habang pulang pula ang mukha.

"Tutal ay saiyo naman nagta-trabaho itong pamangkin ko, kaya hindi na ako aalma sa gusto mo," ani auntie dito matapos ay sa'kin naman bumaling. "Kaya pagbutihin mo ang trabaho mo dito at huwag tatamad-tamad. Huwag mo akong ipapahiya, naiintindihan mo ako?" Tumaas pa ang kilay nito sa'kin.

Lumunok ako matapos ay sunod-sunod na tumango sa kanya. Nakuha ko na rin na magpaalam sa kanila at baka lalo lamang akong gisahin ni auntie doon.

 Mabuti ay wala nang iba pang inutos ang mga ito kaya't bumalik na ako sa kusina upang tulungan sana si Melissa sa paghuhugas ng pinggan ngunit pansin kong tapos na ito at malinis na ang lahat doon. 

Pumihit ako upang lumabas ng kusina at tumungo sana sa aking silid nang makasalubong ko si Kendric.

"Sir! M-may kailangan ho ba kayo?" Halos mautal ako sa sobrang gulat.

Kendric looked at me for about a second before he nod. "I need more ice and a chips," aniya na humakbang na papasok sa loob ng kusina.

Wala sa loob na umatras ako dala ng malakas na pintig ng puso. Huli na upang pigilan pa ang sumunod na nangyari nang mapatid ako sa isa sa mga paa ng silya na naroon.

Lalong hindi ko inaasahan ang ginawa ni Kendric nang hapitin niya ang balakang ko upang pigilan sa pagbagsak sa sahig.

Nanlaki ang mga mata ko nang maramdaman ko ang paghapit niya sa aking balakang palapit dito. Habang ang mga kamay ko'y kusang lumapat sa kaniyang malalapad na dibdib.

My lovely lips drop in awe and my heart thumping hard as I watched how close he is to me. Pakiramdam ko ay namula ng husto ang aking dalawang pisngi. Lumunok ako ngunit tila tuyong tuyo ang aking lalamunan.

Kendric looked at me with his dark stonily eyes. Until he slowly roams my face...

"Are you alright?" he asked in a lower voice enough for me to smell his hot fresh breath.

Nanlalaki ang matang tumango ako ng paulit-ulit. Doon ko lang naramdaman na binitiwan n'ya ako kaya mabilis akong umayos ng tayo.

"I'm sorry, hindi ko sinasadya." Puno ng hiya akong lumayo ako at yumuko.

"Tinatanong ko kung ayos ka lang ba?" 

Tumingala ako dito at sinalubong ang kaniyang madilim na tingin. Bakit ba parang laging may mali sa sinasabi ko sa tuwing tinitingnan n'ya ako ng ganito? Wala sa loob na tumango ako.

"Good, can you give me more ice?" aniya habang nanatili ang distansya na meron kami.

"Sige ho, isusunod ko sa labas," halos ibulong ko na lang sa hangin ang mga binitiwan kong kataga.

Paano'y pakiramdam ko ay babagsak akong muli  dahil sa malakas na pintig ng puso.

 "Ako na ang magdadala doon, pwede ka ang magpahinga,"  aniya matapos lumayo sa'kin.

Mabilis ko naman hinanda ang kailangan niya at inilapag iyon sa may lamesa.

Kanina pa ito wala sa may kusina ay hindi pa rin ako makahuma. Malakas pa rin ang tibok ng aking puso at hondipa rin normal ang ang aking paghinga. 

Walang lakas na naupo sa gilid ng aking kama matapos kong makabalik sa aking silid. Hindi ko maintidihan ang sarili kung bakit gano'n ang naging reaksyon ko kanina.

Hindi ko napigilang takpan ng  unan ang aking mukha. Pakiramdam ko kasi ay pulang pula na naman ang aking dalawang pisngi sa hiya. Ngunit mablis din akong bumangon at sunod-sunod na umiling.

Muli kong binagsak ang katawan sa kama at pumikit ng mariin. "Hindi ito pwede, Chantal," usal ko sa sarili. May asawa na si Kendric at ngayon pa lang ay dapat mabuting iwasan ko na siya habang maaga pa...